Ministru Administrasaun Estatál, Miguel Pereira de Carvalho. Imajen TATOLI/Francisco Sony.

DILI, 23 Dezembru 2021 (TATOLI)— Ministru Administrsaun Estatál (MAE), Miguel Perreira de Carvolho, hateten, hahú introdús hela regulamentu sanulu hodi regulariza atividade eleisaun prezidensiál 2022.

“Ami prepara ona regulamentu sanulu hodi regulariza atividade eleisaun prezidensiál tinan oin hodi bele apar ho alterasaun lei eleitorál ne’ebé Xefe Estadu promulga ona,” Minsitru Miquel, hateten ba Agência TATOLI, iha nia kna’ar fatin Caicoli, kinta ne’e.

Governante ne’e dehan, regulamentu sanolu ne’e submete ona ba iha gabinete Ministru Prezidensiál Konsellu Ministru atu ajenda hodi halo diskusaun no aprovasaun iha reuniaun Konsellu Ministru, atu sai dekretu-lei hodi regula atividade eleisaun.

Iha biban hanesan, Diretór Jerál Sekretáriadu Tékniku Adminstrasaun Eleitórál (STAE), Acelino Manuel Branco, hateten, hahú introdús regulamentu 10 ne’ebé sei regulariza atividade eleisaun prezidensiál 2022. 

Diretór Jerál STAE, Acilino Manuel Branco. Imajen TATOLI/Egas Cristóvão

“Iha regulamentu sanulu ne’ebé maka ami prepara hanesan regulamentu ida atu regulariza prosesu eleisaun prezidensiál tinan oin nian. Tanba ne’e mak hahú introdús ba fiskál partidu polítiku sira atu sira bele intende,” Diretór Jerál STAE ne’e, hateten ba Agência TATOLI, iha nia kna’ar fatin Caicoli, kinta ne’e.

Regulamentu sanolu ne’e iha foun balun ne’ebé ajusta hosi regulamentu sira ne’ebé uza ona ba eleisaun sira ne’ebé liu ona.

Tanba, iha regulamentu uluk nian iha sentru votasaun iha ema na’in-rua hanesan fiskál no observadór, maibé ajusta tan monitorizasaun, ne’ebé eleisaun tinan oin iha ona fiskál, observadór no monitorizadór.

Nia dehan, regulamentu seluk fali maka rejime tranzisaun ba sentru votasaun iha izolamentu no kuaretena sira oinsá atu ezerse sira nian direitu.

“Regulamentu foun ida ne’e, iha altersaun, pasiente sira ne’ebé maka iha izolamentu no kuaretena inklui doutór sira bele tuir vota, maibé tenke nafatin tuir protokolu saúde nian,” nia akresenta.

Enkuantu, sidadaun-sira ne’ebé maa moras iha no baixa iha ospitál  bele autoriza tuir votasaun iha sentru votasaun ne’ebé maa iha óspitál.

STAE halo konsulta  ona fiskál partidu polítiku hodi bele hatene regulamentu sanulu hanesan regulamentu atividade prá-eletorál, regulamentu atividade eleitorál no propaganda eleiórál, regulamentu konselasaun monitotizaun ba iha prosesu eleitorál, regulamenntu funsiaonamntu sentru votasun, regulamentu prosesu votasaun pur kazu apuramentu hosi fali nasionál, regulamentu estabelesimentu prosesu votasaun iha estrajeiru, regulantu rejime trazisaun karik iha tinan oin iha situsaun bele COVID-19 bele regulariza eleisaun iha sentru izolamentu no sentru kuarantina.

Nune’e mós, regulamentu estabelesimentu iha prizasaun no mos ospitál, regulamentu intervensaun seguransa ninian iha prosesu eleitorál.

Regulamentu sentru votasaun paralelu iha medida foun ida iha regulamentu oinsá atubele garantia sidadaun sira ninian diretu liuliu ba estudante, funsionáriu no traballadór ka estudante sira ne’ebé maka hakarak vota iha Dili tanba motivu pessoal balun labele fila ba munisipiu nia.

“STAE sei iha formulariu antes loron sanulu eleisaun hodi sira bele partisipa iha eleisaun,” nia akresenta.

Jornalista  : Natalino Costa

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here