Vasina Pfizer Covid-19. Imajen TATOLI/António Gonçalves

DILI, 23 dezembru   2021 (TATOLI)— Governu liuhosi Ministériu Saúde relata, ohin, kazu detetadu pozitivu foun laiha, rekuperadu laiha no kazu ativu hitu.

”Kazu detetadu foun ohin laiha, rekuperadu laiha no ativu hitu,” Diretora Jerál Prestasaun Saúde iha Ministeriu Saúde, Odete da Silva Viegas, hateten liuhosi nota ne’ebé Agência TATOLI asesu, kinta ne’e.

Nune’e, hahú 21 marsu 2020 to’o 23 dezembru 2021 iha kumulativu kazu konfirmadu 19.833 no óbitu 122.

Hosi horisehik mai ohin, Laboratóriu Nasionál Saúde halo teste PCR hamutuk 32, kompostu vijilánsia sentinela laiha, rastreiu ba kontaku laiha, rastreiu aleatóriu 31, viájen internasionál na’in ida, follow up iha kuarentena laiha.

Alende ne’e, totál teste PCR ne’ebé halo iha 22 dezembru iha munisípiu-sira seluk, Rejiaun Administravu Espesiál Oé-Cusse no Ambeno (RAEOA) no Hospitál Nasionál Guido Valadares (HNGV) hamutuk 103, hanesan Maubisse tolu, Maliana 13 , Viqueque laiha , Suai hitu , Baucau ida, Ermera laiha, RAEOA laiha , HNGV 79, Lautém laiha no Vera Cruz laiha.

Populasaun elijível tinan 18 ba leten, ne’ebé simu ona vasina to’o iha loron 23 dezembru, tuir sistema informasaun Saúde iha Ministériu Saúde, hanesan kumulativu 1ª doze iha Dili atinje ona 87,3% no kumulativu 2ª doze iha Dili 79,8%.

Enkuantu, Sidadaun iha territóriu nasionál ne’ebé simu ona vasina doze dahuluk  hamutuk 83,3% no simu ona doze daruak 67,3%.

Hosi insidénsia COVID-19 iha Timor-Leste, durante loron hitu ikus maka 0,0/100 mil abitante,

Iha loron, 23 dezembru 2021, izolamentu Vera Cruz, Lahane, HNGV no fatin seluk iha territóriu laran tomak, halo tratamentu hospitalizadu ba kazu detetadu pozitivu ida , moderadu ida, no kaman  laiha.

Notísia relevante: Vasina doze kompletu iha munisípiu Lautém atinje 62%

Jornalista  : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here