inistru Prezidénsia Konsellu Ministru, Fidelis Manuel Leite Magalhães. Imajen TATOLI/Francisco Sony

DILI, 22 dezembru 2021 (TATOLI)—Ministru Prezidénsia Konsellu Ministru, Fidelis Manuel Leite Magalhães, hateten, Governu sei halo esforsu buka solusaun liga ho atribuisaun suplementu remuneratóriu ba profisionál ne’ebé dezenvolve atividade jornalístika hodi fornese informasaun kona-ba mitigasaun COVID-19.

“Ami preokupa ho situasaun jornalista sira. Situasaun ne’e sira ne’e mak ami halo esforsu lubuk ida atu sasán sira bele avansa ba oin, maibé ha’u sei konfirma informasaun lai ho Ministériu Asuntu Parlamentár no Komunikasaun Sosiál (MAPKOMS) no Prezidénsia Repúblika,” Ministru Prezidénsia Konsellu Ministru, Fidelis Manuel Leite Magalhães, hateten, hafoin reuniaun ezekutivu, iha Palásiu Governu, kuarta ne’e.

Projetu dekretu-lei ne’e Konsellu Ministru (KM), aprova iha loron 11 novembru 2021 no haruka ona ba Prezidente Repúblika hodi hetan promulgasaun.

Notísia relevante: Governu kria subsídiu ba profisionál dezenvolve atividade jornalístika durante mitigasaun COVID-19

Nune’e, Portavóz Governu  deside atu lakohi fó komentáriu kle’an liga ho kestaun ne’e no promete sei konfirma parte relevante.

“Ha’u seidauk bele komenta kle’an kona-ba pontu situasaun, diploma ka projetu lejizlativu ida ne’e, maibé buat ne’ebé ha’u hakarak dehan, katak buat hotu sei iha solusaun. Loos duni tempu ne’e dada ba daudaun ona maibé ami sei haree atubele hetan solusaun iha tempu badak,” nia akresenta.

Jornalista : Antónia Gusmão

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here