Prezidente TANE Konsumidór, António Ramos da Silva ‘Naikoli’. Imajen TATOLI/Egas Cristóvão

DILI, 21 dezembru 2021 (TATOLI)—Advokasia ba Konsumidór, TANE Konsumidór, tersa ne’e, halo lansamentu ba rezultadu peskiza folin nesesidade bázika iha loja sira Dili laran tanba atu besik tama Natal no tinan foun.

“Objetivu lansa peskiza ne’e, hakarak fornese informasaun folin nesesidade bázika hosi loja ne’ebé fa’an produtu ba konsumidór sira, nune’e bele halo jestaun ba sira-nia osan ne’ebé iha, tanba ita identifika iha loja balun hasa’e folin sasán,” Prezidente TANE konsumidór, António Ramos da Silva ‘Naikoli’, hateten ba Agência TATOLI, iha ninia knaar fatin, Villa-verde.

Notísia relevante: AIFAESA seidauk simu keixa hosi komunidade relasiona folin sasán sa’e

Aleinde ne’e, TANE Konsumidór halo peskiza ba folin ai-han sira iha loja tanba hanesan misaun atu fornese informasaun ba konsumidór hodi hili sasán ho kualidade di’ak no folin asesível.

Iha fatin hanesan, Ekonomista no Peskizadór, Albertina Soares Rodrigues, hateten, bainhira kompara folin produtu sira iha tinan kotuk no tinan ne’e, iha diferensa boot tanba folin nesesidade bázika kuaze sa’e.

“Tinan ida-ne’e nesesidade bázika aumenta ba $0,50 hanesan tinan kotuk mina han litru rua $3,50 maibé agora valór sa’e ba $4, no sasán seluk tan mós hanesan,” nia dehan.

Loja sira ne’ebé TANE Konsumidór halo peskiza hodi deskobre folin nesisidade sa’e hamutuk 19 hanesan, Centru Fresku, Dili Mart Lecidere, Jacinto Kulu-Hun, Leader, Meimart Fatuhada, W-Four, Lita Store no seluk tan.

Jornalista : Arminda Fonseca

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here