Saudosu Max Stahl (doku xapeo mean iha ulun) hamutuk ho membru FALINTIL sira iha ai-laran. Imajen/Espesiál.

DILI, 21 dezembru 2021 (TATOLI)—Prezidente Konsellu Kombatente Libertasaun Nasionál (CCLN, siglá portugés), Vidal de Jesus ‘Riak Leman’, konsidera Max Stall hanesan veteranu ida iha TimorLeste tanba ninia sofrimentu no dedikasaun ba funu iha TimorLeste makaas tebes.

Notísia Relevante: Max Stahl nia prezensa iha Baucau hamosu Kaixa Inglatera

“Ita konsidera Max Stahl hanesan veteranu TimorLeste nian, tanba ita hatene ohin loron nia família, feen no oan sira sei nafatin iha TimorLeste. Hanesan timor-oan, ha’u lori Konsellu Kombatente Libertasaun Nasionál nia naran agradese ninia partisipasaun, ninia sofrimentu no ninia dedikasaun tomak ba funu iha TimorLeste makaas tebe-tebes. Tanba ne’e, ita agradese, ba nia familia sira iha ne’e, hanesan timor-oan ita hotu tau matan ba sira no Max Stall hanesan veterenu ida mós iha rai ida-ne’e,” Vidal de Jesus ‘Riak Leman’ hateten ba Agênsia Tatoli, iha edifisiu Arte Moris Comoro, Dili, tersa ne’e.

Maneira konsiderasaun, nia hateten, ida-ne’e depende ba iha Estadu no Governu atu halo oinsá hodi tau matan Max Stahl nia feen no oan sira ne’ebé agora sei iha Timor-Leste.

Notísia Relevante: Família entrega ahu-kdesan Sauzodu Max Stahl ba Estadu Timor-Leste

Na hateten, Max Stahll ajuda makaas TimorLeste iha funu to’o nia fó ninia moris liu-liu bainhira nia sikat leet iha manifestasaun pásifika hodi filma Masakre Santa Cruz 1991 no haklaken ba mundu tomak kona-ba juventude lorico asswa’in nia luta no mate ba libertasaun nasionál.

Max Stahl ne’e bele dehan nia servisu liu timor-oan sira tanba iha momentu ne’ebá imajén polítika ne’ebé nia foti ba iha mundu internasionál importante tebetebes.

Tanba, nia dehan, ho Masakre Santa Cruz 1991 ida-ne’e mak fó presaun makaas ba komunidade Internasionál hodi kondena makaas Governu Indonézia, tanba violasaun direitu umanu ne’ebé Indonézia komete iha TimorLeste.

Notísia Relevante: Saturnino: “ha’u lori Max Stahl hasoru Komandante Daitula”

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here