Idózu no ema ho difisiente forma hodi simu subsídiu iha sukursál BNCTL, iha Dili. Imajen TATOLI/António Gonçalves.

DILI, 21 dezembru 2021 (TATOLI)—Governu liuhosi Institutu Nasionál Seguransa Sosiál (INSS), iha fulan Novembru ne’e halo pagamentu faze daruak ba idozu no invalidéz iha territóriu nasionál.

Notísia Relevante: OJE 2021, INSS foin ezekuta 45%

“Ba tinan ida-ne’e ita halo pagamentu ba idozu no invalidéz sira iha territóriu tomak hamutuk rihun 93-resin, nune’e iha fulan-novembru ne’e ami hahú halo pagamentu ba faze daruak nian,” Prezidente Institutu Nasionál Seguransa Sosiál (INSS), Longinhos Armando Leite, hateten ba Agência Tatoli, via telefónika, tersa ne’e.

Iha tinan ne’e, Governu prevee orsamentu hamutuk milhaun $36 hodi halo pagamentu ba idozu no invalidéz hodi selu ba faze daruak nian.

“Iha faze dahuluk, ita hahú iha fulan-juñu no ba faze daruak nian ita hahú iha fulan novembru. Entaun, agora daudaun pagamentu hala’o hela, nune’e bainhira pagamentu hotu mak ita foin hatene hosi idozu sira-ne’e foti hotu sirania osan ka lae. Tanba dala ruma balun la foti, entaun ami tenke halo filafali pagamentu adisionál. Maibé kuandu liu tiha tinan ida ona mak sira la foti, entaun osan ne’e tenke ba fali kofre Estadu,” nia dehan.

Konaba dadus idozu sira-ne’ebé mate, nia hatán, daudaun ne’e INS seidauk hatene tanba seidauk hetan dadús hosi Banku Nasionál Komérsiu Timor-Leste (BNCTL, sigla portugés), maibé bainhira pagamentu hotu mak foin bele hatene hosi ema rihun 93 resin ne’e, iha ema na’in hira mak foti no hira mak la foti osan.

Entretantu bazea ba kalendáriu ne’ebé MSSI liuhosi Institutu Nasionál Seguransa Sosiál (INSS) simu hosi BNCTL, katak faze daruak halo pagamentu ba idozu no invalidéz iha loron 22 fulan novembru no sei finaliza iha janeiru tinan 2022.

Notísia Relevante: 2022, INSS sei tau importánsia ba programa prioridade tolu

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here