Diretór Ezekutivu Servisu Autonomu Medikamentu no Ekipamentu Saúde (SAMES), Santana Martins. Imajen Tatoli/Francisco Sony

DILI, 21 dezembru 2021 (TATOLI)— Diretór Ezekutivu Servisu Autónomu Medikamentu no Ekipamentu Saúde (SAMES), Santana Martins, informa vasina AstraZeneca, ne’ebé mak liu prazu iha armazein hamutuk 3,780, ne’ebé tuir planu halo destruisaun iha loron 28 dezembru tinan ne’e.

“Vasina Astrazeneca ne’ebé mak prazu liu iha armazein SAMES hamutuk 3,780 sei destroi iha loron 28 dezembru tinan 2021 no iha munisípiu ne’e kada resposabilidade idak-idak halo jesatun no halo destroisaun rasik,” Diretór Ezekutivu SAMES ne’e hatete ba  Agência TATOLI iha kna’ar-Kampug Alór-Dili, tersa ne’e.

Daudaun ne’e, SAMES hahú halo preparasaun no aruma ona vasina AstraZeneca liu validade sira hodi bele ba halo destroisaun.

Iha oráriu anuál halo destroisaun dahuluk vasina AstraZeneca no daruak aimoruk regulár ne’ebé mak kuantidade boot ne’ebé kada tinan sempre destroi inklui mós  item sira ne’ebé mak estragu kauza dezastre natural iha loron 4 abríl.

“Item ne’ebé mak estragu iha loron 4 abríl ne’e barak loos, se ita konta ba osan karik maizumenus millaun $1, hanesan PPE ne’ebé mak liga ba COVID-19 no mós ho ventilator ne’ebé mak sosa husi Governu entaun ida ne’e mak ita sei destroi,’’ Diretór Ezekutivu ne’e afirma.

Notísia Relevante: Governu sei destroi vasina AstraZeneca hamutuk 14.180

Jornalista  : Felicidade Ximenes

Editór        : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here