Diretór Servisu Munisipál no Finansa, Aniceto de Jesus Amaral. Imajen Tatoli /Celestina Teles.

OJE 201COVALIMA, 20 dezembru 2021 (TATOLI)—Diretór Servisu Munisípal no Finansa, Aniceto de Jesus Amaral, informa hosi janeiru to’o 20 dezembru ne’e munisípiu Covalima ezekuta Orsamentu Jerál Estadu (OJE) 2021 montante $4,414,282 atinje ona 89,40%.

Notísia Relevante: OJE 2021, Covalima ezekuta ona 60% 

“Ezekusasaun OJE tinan 2021, munisípiu Covalima to’o agora atinze ona 89,40%. Durante ezekusaun OJE ladún hasoru difikuldade, maibé iha fulan-janeiru to’o fulan-marsu, ita enfrenta situasaun COVID-19, liu-liu implementasun programa sira-ne’e ladún la’o,” Diretór Servisu Munisipál no Finansa, Aniceto de Jesus Amaral, hateten ba Agência Tatoli, iha nia knar fatin, segunda ne’e.

Programa sira-ne’ebé ladún la’o durante ne’e mak merende eskolár la la’o hosi fulan-janeiru no fulan-marsu tanba COVID-19, rúbrika kapitál dezenvolvimentu mós ladún la’o tanba mudansa dezeñu ka planta no kadernu enkargu (BoQ) no foin halo pagamentu projetu adiantamentu ida.

Nia haktuir, projetu ida seidauk asina kontratu mak projetu konstrusaun ba rezidensia administradór munisípiu Covalima no projetu konstrusaun edifisiu postu administrativu Maucatar ho moru haleu.

“Hosi projetu rua ne’e ami halo ona pagamentu 20% mak projetu konstrusaun edifísiu postu administrativu Maucatar, projetu konstrusaun rezidénsia administradór munisípiu Covalima foin mak atu asina kontratu iha semana ne’e,” nia dehan.  

Orsamentu ba munisípiu Covalima tinan 2021 hamutuk $4,414,282, ne’ebé aloka ba saláriu no vensimentu $1,283,992 ezekuta ona 84%, bens no servisu 1,129,896 ezekuta ona 84%, kapitál menór 463,915 ezekuta ona 90,3%, kapital dezenvolvimentu $176,803 ezekuta ona 36.9%, transferénsia públika $1,359,676 ne’ebè ezektuta ona 94%. 

“Ezekusaun OJE balun sai ona, balun sei iha faze obrigasaun katak orsamentu ne’e ita hein selu de’it ona balun sei iha komitmentu kiik,” nia hateten. 

Maske ezekusaun OJE 2021 ba munisípiu Covalima foin atinje 89,40%, maibé ezekusaun labele to’o 100% tanba orsamentu ba kargu dirasaun no xefia, bazea ba estrutura munisípiu la ezekuta, nune’e sei kontribui ba kofre Estadu. 

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here