Ministra Saúde halo inspesaun ba konstrusaun saúde públika iha RAEOA. Imajen Tatoli/Abílio Elo Nini.

OÉ-CUSSE, 20 dezembru 2021 (TATOLI) – Ministra Saúde (MS), Odete Maria Freitas Belo, akompaña hosi Prezidente Autoridade Rejiaun Administrativa Espesiál Oé-Cusse Ambeno (RAEOA), segunda ne’e halo inspesaun ba konstrusaun fasilidade saúde públika iha serbisu saúde rejionál Oé-Cusse.

“Ohin, ita haree no observa konstrusaun ba fasilidade sira hanesan, izolamentu, sala laboratóriu, izolamentu, banku de sangue no armazein, tanba obra sira-ne’e agora la’o daudaun ona, ita haree iha Oé-Cusse iha mudansa lubuk ida iha setór saúde nian,” Ministra Odete Maria Freitas Belo, informa ba Agência Tatoli iha Santa Rosa, Oé-Cusse, segunda ne’e

Governante ne’e kongratula autoridade RAEOA tanba tau planu prioridade ba setór saúde hodi dezenvolve RAEOA, hanesan ba asuntu médiku, infraestrutura, ekipamentu médika, armazein ba ai-moruk, nune’e iha futuru bele estabelese sentru ai-moruk iha rejiaun ne’e.

“Ha’u espera katak, la’os de’it iha primary healt care maibé presiza dudu maka’as iha secundary healt care, tanba daudaun ne’e, ha’u haree liu ba secundary healt care, maibé prontu ita-nia prioridade maka primary healt,” nia katak.

Purtantu antes ne’e autoridade RAEOA aloka osan millaun $1,063,543.89 ba Sekretaria Rejionál ba Asuntu Saúde hodi konstrui fasilidade saúde públika, hamutuk unidade neen.

Purantu unidade tolu prevee hosi orsamentu fundu COVID-19, atu halo izolamentu, laboratóriu, banku de sangue inklui sala Unidade Kuidadu Intensive (ICU, sigla inglés). Projetu ne’e prevista hosi Orsamentu Jerál Estadu (OJE) 2021 hodi finansia postu saúde Tumin, residénsia pesoál saúde destakadu sira no konstrusaun ba moras Tuberkuloze (TBC).

Notísia relevante: RAEOA aloka millaun $1-resin konstrui fasilidade saúde públika

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here