Defisiénsia sira hatudu kreatividade liu hosi obra artezenatu ne'ebé sira produs durante iha feira iha komemorasaun loron mundiál ba ema ho defisiensia iha sentru konvensaun dili. Imajen/ Nelson Sousa

DILI, 18 dezembru 2021 (TATOLI)–Atu komemora festa Natál (25 dezembru 2021) no Tinan Foun (01 janeiru 2022), Fundasaun realiza feira Natál hodi fó fó oportunidade ba grupu artezenatu 60 hodi promove sira nia produtu lokál inklui mós halo prezervasaun ba kultura no identidade Timor-nian.

Diretora Fundasaun Alola, Maria Imaculada Guterres, hateten grupu artezenatu 60 hosi munisípiu ne’ebé mai aprezenta sira-nia produtu iha resintu Fundasaun Alola ne’e atu tulun sira bele hetan netik rendimentu ruma iha ámbitu natáll no tinan foun ne’e hodi ajuda fali nesesidade família nia.

“Grupu sira agora mai aprezenta sira-nia produtu lokál ne’e maioria mesak grupu ne’ebé mak Fundasaun fó apoiu durante ne’e liuhosi kapasitasaun ba skill negósiu, jestaun finansa no kapasitasaun ba diversifikasaun produtu sira,” Maria Imaculada Guterres ba jornalista sira iha Fundasaun Alola, Mascarenha, Dili, sábadu ne’e.

Feira natál ida-ne’e fó prioridade liu ba grupu artezenatu sira-ne’ebé mak prodús sira-nia produtu resiklajen hodi kontinua diversifika buat ne’ebé la uza ona bele sai fali sasán ne’ebé iha folin.

Hosi grupu artezenatu 60 ne’e balun foin mak partisipa iha tinan ida-ne’e, maibé barak mak Fundasaun sempre akompaña kada tinan.

Reprezentante Embaixadór Tailándia iha Timor-Leste, Sokollawat Thongchoroen, hateten Governu Tailándia liuhosi Embaixada Tailándia iha Timor-Leste mós fó ninia kontribuisaun hodi realiza feira natál iha Fundasaun Alola ho apoiu fundu ne’ebé kiik-liu tinan kotuk.

“ami nia apoiu fundu ba tinan ida-ne’e kiik liu tinan kotuk. Tinan ida-ne’e ami apoiu $5,500 ba formasaun inklui eventu feira ne’e atu grupu Artezenatu sira hosi munisípiu bele mai faan sira-nia produtu iha Dili. Tinan kotuk, ami apoia $3,000 ba feto ho labarik ne’ebé enfrenta kalamidade no dezastre naturál iha fulan abríl liu bá,” nia dehan.

Enkuantu Governu Tailándia nafatin fó apoiu ba Timor-Leste nu’udar parseiru dezenvolvimentu hodi ajuda fó apoiu saida de’it liu-liu ba inan isin-rua sira atu hetan susesu iha futuru.

Xefe Grupu Artezenatu hosi Viqueque, Sergio Carlos, informa produtu ne’ebé nia lori mai faan iha feira natál ne’e mak uma resiklajen hosi kaixa aat ne’ebé nia halibur iha lixeira, hodi prosesa no transforma matéria hosi sasán sira la uza sai fali buat ne’ebé foun ne’e presiza abilidade (skill) atu transforma ho ninia inisiativa rasik.

“Produtu sira-ne’e ha’u prodús rasik hosi buat ne’ebé la uza ona. Ha’u aprende rasik maibé lori tempu atu bele hetan rezultadu ne’ebé di’ak,” nia dehan.

Sergio haktuir katak produtu ne’ebé nia faan ne’e ema sosa ona haat kada produtu ho folin $25, no hein katak loron rua ne’e ema bele mai sosa tan atu bele sustenta fali nesesidade família uma laran.

Jornalista : Tomé Amado

Editór       : Cancio Ximeness

PUBLISIDADEiklan

HAKEREK NO HATÁN

Please enter your comment!
Please enter your name here