Osan Dolar Amérika. Imajen/Espesiál

DILI, 18 dezembru 2021 (TATOL)—Diretór Naionál Aprovisionamentu iha Ministériu Saúde, Nelson Guterres Castro, hateten Governu liuhosi Ministériu Saúde halo ona pagamentu ba otél no catering ne’ebé durante kontratu iha situasaun COVID-19 ho orsamentu hamutuk milaun $4 resin.

Notísia Relevante: Komisaun C deteta Governu seidauk selu Otél iha Manatuto

“Ami halo ona pagamentu ba otél no catering metade ona, tanba sira-nia invoice daudaun ne’e sei tama nafatin entaun ami halo ona pagamentu ba otél ho orsamentu milaun $2 itál no catering milaun $2 ital”, Nelson Guterres Castro hateten ba TATOLI iha nia knaar fatin, sesta ne’e.

Durante iha tinan 2021, Ministériu Saúde kontratu otél no catering hamutuk 70 no hosi ne’e otél kontratu 32 inklui munisípiu sira, entaun iha Dili otél hamutuk 20 no catering kontratu hamutuk 38, iha Dili 16 no seluk iha munisípiu.

”Totál orsamentu ba otél ne’ebé mak ita iha hamutuk kuaze millaun $3  maibé ita selu ona metade no ita hein invoice mai para kontinua pagamentu, entaun ida ne’e inklui munisípiu sira la’ós Dili de’it. Agora kona-ba catering, ita iha orsamentu hamutuk kuaze millaun $2 maibé ita mós halo ona pagamentu metade,” nia dehan.

Tanba ne’e, nia dehan, kazu COVID-19 iha Timor-Leste menus ona entaun Ministériu Saúde hapara ona kontratu otél no catering balun.

‘’Iha Dili no munisípiu kazu COVID-19 laiha ona entaun ami mós hapara ona kontratu ba otél no catering balun entaun otél ativu mak ida YQ hotel, no catering neen mak ativu hanesan Ze Moreno LDA, Liquadan Lda, Dapur Timor Lda, Cavia Thrive Lda, Nimia Restaurant Lda, no Grown Up Lda,” nia dehan.

Jornalista : Felicidade Ximenes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here