Komandante PNTL RAEOA, Superintendente Xefe Mateus Mendes Assunção. Imajen Tatoli/Abílio Elo Nini.

OÉ-CUSSE, 16 dezembru 2021 (TATOLI) – Polísia Nasionál Timor-Leste (PNTL) iha Rejiaun Administrativa Espesiál Oé-Cusse Ambeno (RAEOA), daudaun ne’e simu ona orientasaun hosi Komandu Jerál hodi bandu sidadaun sira atu uza fogete iha selebrasaun loron Natál no Tinan foun.

Komandante PNTL RAEOA, Superintendente Xefe, Mateus Mendes Assunção, informa, PNTL sei fó apoia seguransa iha selebrasaun loron Natál no tinan foun, nune’e sarani sira bele partisipa misa ho livre no seguru.

“Ami simu ona orinetasaun hosi komandu jerál, nune’e iha RAEOA ami mós hamosu ona ami-nia planu operasaun atu fó seguransa ba festa boot rua ne’e, maka primeiru sei la autoriza sidadaun sei de’it uza fogete atu halo barullu iha selebrasaun Natál no tinan foun, segundu sei la autoridade sarani sira hemu-tua no dansa iha fatin prezÉpiu,” Mateus Mendes, informa ba Agência Tatoli, iha Santa Rosa, Oé-Cusse, kinta ne’e.

Nia argumenta, PNTL la autoriza tanba kada tinan sai ona referénsia ba PNTL, dalaruma misa to’o klaran sarani balu uza fogete halo barullu, balu la ba misa maibé loke fali múzika iha fatin prezépiu hodi impede ema seluk iha kalan boot, ida ne’e labele akontese iha tinan ne’e.

“Entaun, ita bandu labele konsumu alkól, labele dahur no dansa no toka múzika laiha ligasaun ho selebrasaun Natál tinan foun, ida-ne’e PNTL sei la autoriza, tanba ne’e maka ita prepara ekipa ida halo operasaun iha kalan ne’e, tanba komandu fó-sai ona aviza antes ona liuhosi misa no fatin sira seluk,” nia argumenta.

Nune’e, bainhira PNTL toman atetude ne’e iha terrenu, PNTL rasik sei foti medida liuhosi servisu operasaun, bainhira komunidade la kumpri regra ne’ebé fó-sai, sei prosesa tuir lei ne’ebé vigora ona.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here