Xefe Departementu Transporte Terrestre no Komunikasaun iha RAEOA, Domingos de Almeida. Imajen Tatoli/Abìlio Elo Nini.

OÉ-CUSSE, 16 dezembru 2021 (TATOLI)- Diresaun Rejionál Infraestrutura liuhosi Departementu Transporte Terrestre no Komunikasaun (DTT), Rejiaun Administrativa Espesiál Oé-Cusse Ambeno (RAEOA), kontribui reseita ba kofre Estadu hamutuk $2,437 iha fulan-novembru.

Xefe Departamentu Transporte Terrestre no Komunikasaun iha RAEOA, Domingos de Almeida, informa, reseita ne’ebé rekolla iha novembru ne’e mai hosi fonte rejistu dokumentu, inspesaun, no trata karta kondusaun inklui lisensa tránzitu.

“Servisu diariamente kada loron osan tama ba kofre Estadu atrave Transporte Terrestre kontribui maka’as ba kofre Estadu,” nia dehan ba Agência Tatoli iha Palaban, Oé-Cusse, kinta ne’e.

Nia fó sai katak, transporte públiku kategOria hanesan mikrolete sira selu, balun hafoun dokumentu inklui karta kondusaun balu trata foun no balu troka.

“Ne’ebé ami-nia servisu rútina servisu kontinua, tanba tuir lei, dokumentu mate kada tinan presiza hafoun tantu motorizada no karreta, alende ne’e mós la sees hosi lisensa tránzitu, kada fulan-neen tenke troka, tan ne’e maka mikrolete sira selu kada fulan neen selu $50,00 no angguna sira selu $15,00,” nia katak.

Nia informa, servisu Transporte Terrestre no Komunikasaun, durante ne’e serbisu hamutuk ho Polísia Unidade Tránzitu, tanba komunikasaun no liña koordenasaun la’o di’ak, nune’e bele garante serbisu Estadu ne’e la’o tuir regulamentu Estadu nian.

Entretantu, totál reseita ne’ebé parte Transporte Terrestre no Komunikasaun rekolla hahú hosi janeiru to’o novembru tinan ne’e, hamutuk $34,265.50.

Notisia relevante: Dirasaun Transporte Terrestre RAEOA kontribui reseita $15,339 ba kofre Estadu

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here