iklan

EKONOMIA, INTERNASIONÁL, HEADLINE

Timor-Leste no ADB sei estabelese akordu finansiamentu hadi’a fornesimentu eletrisidade

Timor-Leste no ADB sei estabelese akordu finansiamentu hadi’a fornesimentu eletrisidade

Tékniku EDTL, E.P hadi’a instalasaun liña eletrisidade iha área Colmera, Dili, segunda (25/10). Imajen TATOLI/António Gonçalves.

DILI, 15 dezembru 2021 (TATOLI)–Timor-Leste hamutuk ho Banku Dezenvolvimentu Aziátiku (ADB, sigla ingles) sei estabelese akordu kona-ba hadi’a fiabilidade fornesimentu enerjia eletrisidade no finanseiru ba Eletrisidade de Timor-Leste, Empreza Públika (EDTL, E.P).

“Liuhosi reuniaun ezekutivu ne’e, atribui podér ba Ministru Finansa, Rui Augusto Gomes atu asina akordu refere,” Ministru Prezidénsia Konsellu Ministru, Fidelis Manuel Leite Magalhães, relata hafoin reuniaun ezekutivu, iha Palásiu Governu, kuarta ne’e.

Projetu ne’e ho durasaun tinan-haat, ho objetivu prinsipál halo reforsu prestasaun servisu ba konsumidór sira, rekualifikasaun ba rede distribuisaun no konstrusaun ka reabilitasaun ba eskritériu rejionál sira no fortalesimentu kapasidade institusionál no komunitária iha érea seguransa elétrika no operasaun sira.

Notísia relevante: Governu-ADB sei selebra akordu dijitaliza liña distribuisaun eletrisidade iha novembru

Antes ne’e, Prezidente Konsellu Administrasaun EDTL, E.P, Paulo Silva, divulga ona intensaun atu halo empréstimu millaun $35, liuhosi Ministériu Finansa ba ADB, hodi implementa sistema dijitalizasaun liña distribuisaun eletrisidade hodi mellora di’ak liután fornesementu enerjia eletrisidade.

Inisiativa ne’e atu hatan bainhira avaria iha fatin ruma, tékniku EDTL, E.P bele identifika lokál seluk hodi fornese fali enerjia eletrisidade hosi fatin seluk, nune’e labele fó impaktu ba kliente sira ne’ebé asesu iha liña ka feeder ida de’it.

Jornalista : Antónia Gusmão  

Editora     : Julia Chatarina

iklan
iklan

Leave a Reply

iklan
error: Content is protected !!