Komadante PNTL munisípiu Viqueque, Supertendente Polísia, Sebastião Alves Quintão. Imajen TATOLI/Vitorino Lopes da Costa

VIQUEQUE, 15 dezembru 2021 (TATOLI)—Relasiona ho selebrasaun Natál no tinan foun, Polísia Nasionál Timor Leste (PNTL) munisípiu Viqueque halo ona operasaun fugete ba loja no kios.

“Iha semana kotuk, ami halo operasaun no apela kedas ba na’in loja no kios sira atu labele fa’an fugete,” Komadante PNTL munisípiu Viqueque, Supertendente Polísia, Sebastião Alves Quintão, hateten ba Agência TATOLI, iha ninia knaar fatin, kuarta ne’e.

Tuir Komadante Polísia, operasaun ba sasán sira ne’ebé bandu ne’e bazeia ba karta sirkular hosi Komandu PNTL nasionál.

“Tanba ne’e, ita implementa tuir karta sirkular ne’ebé maka iha. PNTL halo ona aviza ba loja no kios kiik sira, tanba ne’e ba sira ne’ebé la kumpre sei simu konsekuénsia,” nia akresenta.

Nia dehan, fugete tarutu iha loron Natál 24 dezembru no simu tinan foun, maibé loron seluk bandu ema labele halo tarutu.

“Ida-ne’e regra mai hosi Komandu Jerál. Bainhira iha pesoál la kumpre regra, ami sei foti medida,” nia tenik.

Tanba ne’e, atu tama ba selebrasaun loron boot, PNTL sei halo operasaun loron-loron ba fugete sira iha munisípiu Viqueque.

Nune’e, nia husu, komunidade tomak atu kolabora ho parte seguransa hodi garante estabilidade iha loron boot.

“Ita tenki kria pás hodi ema hotu moris iha trankuilidade nian laran,” Komandante Polísia dehan.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here