Diskusaun no votasaun Proposta Lei OJE 2022 iha faze espesialidade, iha sala plenária Parlamentu Nasionál, kuarta (15/12) Imajen TATOLI/António Gonçalves

DILI, 15 dezembru 2021 (TATOLI)— Deputadu sira iha Parlamentu Nasionál (PN), aprova proposta lei Orsamentu Jerál Estadu (OJE) 2022 ho montante $8.985.500 ba  Servisu Autónomu Medikamentu no Ekipamentu Saúde ( SAMES), iha espesialidade ho votu afavor 52, abstensaun 11 no kontra 0.

“Nune’e, Orsamentu Jerál Estadu 2022 ba Servisu Autónomu Medikamentu no Ekipamentu Saúde (SAMES) ho alterasaun pasa,’’ Prezidente Parlamentu Nasionál,  Deputadu Aniceto  Longuinhos Guterres Lopes, informa iha sala plenária PN,  kuarta ne’e.

Notísia Relevante: OJE 2022: SAMES prevee millaun $8,9 ba akizasaun medikamentu

Hosi totál $8,985,500 fahe ba kategoria saláriu vensimentu $ 608,500, bens no servisu $ 6,880,168, kapitál menór $415.000, kapitál dezenvolvimentu $121,832, no transferensia públika $ 960,000.

Orsamentu ne’e finansia ba programa rua hanesan, Programa ho kódigu 510 kona-ba Governasuan di’ak no jestaun institusionál prevista montante orsamentu $1,146,155 no programa ho kódigu 850 kona-ba saúde prevee  montante 7,839,345.

Alende ne’e, Parlamentu  Nasionál mós aprova proposta númeru 138  hodi aumenta orsamentu  ba SAMES ho montante $250.000, nunee bele  fó tratamentu di’ak ba  ema moras mentál sira  ne’ebé mak lao namkari iha territóriu laran tomak  tanba sai preokupasaun ba ema hotu.

SAMES hanesan servisu publiku hodi responsavel ba produsaun importasaun armazeneamentu no distribuisaun produtu farmaséutiku no ekipamentu saúde ba servisu nasionál saúde iha artigu 5, Dekretu-Lei 18/2015, 24 juñu.

Notísia Relevante: Armazen SAMES importante atu asegura ai-moruk

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here