Situasaun debate no votasaun OJE 2022 iha faze espesialidade, iha sala plenária Parlamentu Naasionál, segunda (13/12). Imajen TATOLI/António Gonçalves

DILI, 15 dezembru 2021 (TATOLI)—Deputadu sira iha uma fukun Parlamentu Nasionál liuhosi diskusaun espesialidade ba proposta lei Orsamentu Jeál Estadu (OJE) 2022 aprova orsamentu ho montante inisiál $84,436,784.00 ba Rejiaun Administrativa Espesiál Oé-Cusse Ambeno (RAEOA), ho votu a-favór 43, kontra 18 no abstensaun 0.

Notísia Relevante: OJE 2022, RAEOA propoin millaun $84-resin

“Nune’e tabela V (Despesas da Região Administrativa Especial de Oé-Cusse Ambeno) aprovadu,” Prezidente Parlamentu Nasionál, Deputadu Aniceto Longuinhos Guterres Lopes, deklara iha plenária, kuarta ne’e.

Iha diskusaun ne’e, Parlamentu Nasionál aprova mós Proposta Lei (PPL), alinea e, Tabela V do Anexo à presente lei, dela fazendo parte integrante, com as despesas da Região Administrativa Especial de Oe-Cusse Ambeno ne’ebé previstu artigu 5.

Orsamentu ba tinan 2022 ne’e, sei aloka ba saláriu vensimentu $11,086,859.00, bens servisu $21,361,440.00, kapitál menor $607,155.00, kapitál dezenvolvimentu $47,059,303.00,  transferénsia públika $4,322,027.00, no hosi orsamentu ne’e atu finansia ba programa 15, sub-programa 95 no atividade 265.

Programa kultura no patrimóniu prevee $2.900, programa dezenvolvimentu rurál no urbanu $390.718, programa reforsa Estadu prevee $375.440, programa seguransa nasionál prevee $50.600, progama asesu justisa prevee $1,155.789, programa boa-governasaun no jestaun instituisional prevee $23,774.296, programa agrikultura prevee $441.661, programa bee no saneamentu $3.000.

Programa saúde prevee $739.257, programa dezenvolvimentu no reforsu zona ho tratamentu administrativu no ekonómiku espesiál prevee $55.324.900, programa  edukasaun no formasaun prevee $1,473.385, programa igualidade jéneru no inkluzaun sosiál prevee $192.062, programa konservasaun protesaun ambiente prevee $5.673.

Programa turizmu prevee $74.419, programa investimentu no diversidikasaun ekonómika prevee $432.684, programa.

Antes ne’e, PN aprova ona proposta rua ba RAEOA ho montante primeiru $88.560 destina ba subsídiu lidér komunitáriu no segundu rihun $40 ba akizisaun karu funeráriu ne’ebé integra iha dotasaun todo Governu no Governu sentrál sei halo transferénsia, nune’e montante orsamentu inisiál ho mós proposta rua ne’e totál OJE ba RAEOA sei iha alterasaun númeru.

Enkuantu, Tuir tabela IV reseita Rejiaun Administrativa Espesiál Oé-Cusse Ambeno (RAEOA) Oé-Cusse kategória rubrika transférensia Transferências do Orçamento da Administração Central $433.800, reseita tributária hanesan impostu direta 0, impostu indiretu 0, taxa $180.000, rendimentu ho hanesan dividendu, jurus, renda 0 no doasaun eransa no legadu 0, rendimentu 0, saldo gerénsia $84.436.784 no totál reseita $85.050.584.

Iha debate espesialidade ne’e, PN aprova mós proposta númeru 146 títulu (Servisu/Órgaun) RAEOA kategória despeza kapitál dezenvolvimentu ho program kódiku 867 kona-ba dezenvolvimentu no reforsu zona ho tratamentu administrativu espesiál no ekonómiku, dotasaun inisiál $44,054.303 ho alterasaun hasai $7,000.000 hodi tau fali ba sub-programa gabinete Prezidente Autoridade RAEOA ho atividade koordena no jere obra públika.

Ministru Finansa, Rui Gomes, hateten alterasaun ne’e nu’udar ezersísiu internu ne’ebé sei la prezudika atividade previstu iha PPL.

Prezidente Autoridade Rejiaun Administrativu espesiál Oé-Cusse Ambeno (RAEOA), Arsenio Paixão Bano, hateten proposta ne’e pertinente tanba iha RAEOA iha projetu lubun ida mak tenke halo hotu iha tinan oin.

Nune’e ho alterasaun tuir proposta ida ne’e sei finaliza projeitu sira hanesan infraestrutura eskola, bee moos, eletrisidade, protesaun ba área agrikultura inklui investimentu infraestrutura área saúde.

Entertantu, debate espesialidade ne’e bankada opozisaun CNRT liuhosi Deputada propontente Maria Fernanda Lay aprezenta proposta tolu atu halo hasai osan hosi RAEOA tanba ezekusaun OJE 2021 ho pursentu ki’ik.

Iha proposta númeru 141 títulu RAEOA kategória despeza transferénsia públika ho programa kódiku 392, dotasaun inisiál $948.000 husu altersaun atu hasai tiha montante refere tanba bazea ba paresér komisaun C trata asuntu (Finansa Públika), pajina 61 hatudu katak to’o iha loron 06 novembru 2021, taxa ezekusaun ba kategória transferénsia públika, inklui obligasaun foin atinje 35,1%.

Orsamentu ne’e aloka ba iha kategória bens no servisu $207,389 hodi apoiu programa refere, mezmu RAEOA sei iha saldo tranzitóriu, tanba ne’e propoin atu hamenus osan ba kategória transferénsia públika iha OJE 2022.

Proposta númeru 142 kategória kapitál menór ho programa kódiku 510 kona-ba boa-governasaun no jestaun instituisionál husu hasai dotasaun inisiál $227.475 tanba bazea relatóriu komisaun C iha pajina 61, hatudu to’o iha 06 novembru taxa ezekusaun ba kapitál menór inklui obligasaun foin atinji 6,4%, RAEOA iha saldo tranzitóriu, nune’e husu hamenus osan ba kategória refere.

Iha proposta 145 husu hasai osan ba RAEOA $2,690,294 hosi dotasaun insiál $8,419,415 iha kategória despeza bens no servisu, tanba relatóriu komisaun C hatudu ezekusaun ba kategória refere inklui obligasaun foin atinje 38,6%.

Maibé Prezidente PN, Deputadu Ancieto Longuihos Guterres Lopes, pronunsia proposta tolu ne’e ho permisaun plenária nian konsideradu retiradu tanba to’o tempu meza fó ba proponente maibé laiha fatin atu fundamenta.

Jornalista : Nelson de Sousa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here