Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno. Imajen Tatoli/Egas Cristovão

DILI, 15 dezembru 2021 (TATOLI)— Ministra Negosiu Estranjeiru no Kooperasaun (MNEK) Adalzija Albertina Xavier Reis Magno, informa ona nota verbál kona-ba prosedur foun vou aviaun ba autoridade aviasaun sivíl Austrália no España.

“Loos duni iha problema oituan ho viajen timor-oan, tanba falta komunikasaun uitoan kona-ba prosedura foun vou-nian, maibé ita haruka ona karta verbal ida ba sira atu informa kona-ba ita nia prosedur foun ne’ebé mak Timor-Leste iha,” Ministra Abertina hateten ba Agência TATOLI iha Parlamentu Nasional, kuarta ne’e.

Governante ne’e hato’o kestaun ne’e, tanba pasajeiru Timór-oan balun hetan problema, bainhira hala’o viajen ho aviaun Qantas hosi Dili ba Austrália no liubá Madrid, maibé too iha ne’ebá autoridade ou kompaña aéreu sira halo empedimentu tanba laiha informasaun autorizasaun ba sira nia viajen.

MNEK garante autoridade aéreu nasan rua ne’e asesu sei laiha tan problema bainhira hala’o vou tuir mai.

“Tanba problema mak autoridade aéreu sira iha ne’ebé seidauk hatene ita nia prosedur foun ne’ebé ita aplika hela, bainhira informa ona buat hotu bele la’o di’ak ona,” nia garante.

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here