Osan Dolar Amérika. Imajen/Espesiál

DILI, 15 dezembru 2021 (TATOLI)—Ministériu Edukasaun, Juventude, no Desportu (MEJD) to’o loron 10 dezembru 2021, ezekuta ona alokasaun verba ba Orsamentu Jerál Estadu (OJE) 2021 hamutuk atinje ona 88%.

Diretór Jerál Administrasaun no Finansa, Antoninho Pires, hateten, loloos ezekusaun foin atinje 81%, maibé tanba akomoda mós obrigasaun no kompromisu mak ezekusaun sa’e ba 88%.

“Ami hela de’it hamutuk 11%. Espera molok taka konta iha tinan ne’e nia rohan, ezekusaun bele atinje ona 98%,” Diretór Jerál hateten iha ninia knaar fatin, edifísiu MEJD, Villa-verde, kuarta ne’e.

Notísia relevante: OJE 2021, MEJD fó prioridade ba infraestrutura bázika

Orsamentu MEJD tinan ne’e hamutuk $111.478.459, ne’ebé aloka ba saláriu no vensimentu $61.628.121, transferénsia públika $23.188.556, bens no servisu $16.650.131, kapitál menór $2.995.700 no kapitál dezenvolvimentu $7.015.951.

Tuir nia, orsamentu daudaun ne’e falta de’it millaun $10 resin atu prepara submete ba transferénsia públika, saláriu vensimentu millaun $5, no restu transfere ba konta bankária grupu komunidade ne’ebé atu prepara konstrusaun eskola sira.

“Hosi parte finansa MEJD finaliza ona prosesu transferénsia no agora hein de’it finansa sentrál ho banku bele aselera prosesu atu fulan ne’e ramata bele finaliza ona,” nia akresenta.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here