Estudante finalista na'in-24.466 iha RAEOA partisipa ezame nasionál. Imajen Tatoli/Abílio Elo Nini.

OÉ-CUSSE, 15 dezembru 2021 (TATOLI) – Estudante finalista na’in-24.566 iha Rejiaun Administrativa Espesiál Oé-Cusse Ambeno (RAEOA) partisipa iha ezame nasionál.

Diretór Edukasaun RAEOA, Daniel Mauno, informa, dadus ne’e mai hosi eskola 21 komposta hosi hosi Ensinu Báziku Sentrá, Ensinu Sekundária Jerál no Ensinu Téknika Vokasionál.

Nune’e iha loron-segunda ne’e hahú uluk ho matéria inglés no matemátika, loron-tersa língua portugés no kímika. Nune’e mós  loron-kuarta biolojia ho fízika ba siénsia téknolojia, ba siénsia sosiál iha loron segunda hahú ho matéria ingles ho ekonómia, loron tersa portugés no istória, kuarta sosiolojia no geografia.

“Ohin realizasaun ezame nasionál tama ba loron datoluk remata, aban kinta kontinua ba ezame lokál sei remata iha loron sesta, 17 dezembru, depois kontinua lori ba nasionál atu halo korresaun,” Daniel Mauno, informa ba Agência Tatoli iha eskola CAFE, Oé-Cusse, kuarta ne’e.

Nia garante realizasaun ezame nasionál sei la’o di’ak, tanba kada eskola akompaña kurríkulu nasionál hosi Ministériu Edukasaun, Juventude no Desportu (MEJD) inklui profesór vijilánsia na’in-rua hosi eskola seluk, ne’ebé destaka ona iha kada eskola hodi akompaña to’o ezame lokál remata.

Diretór Eskola Ensinu Sekundáriu Jerál Palaban, Cristino Nunes, informa, pontu situasaun andamentu ezame nasionál tinan ne’e la’o di’ak tanba estudante no profesór kumpri oráriu hosi ministériu ne’ebé estabelese ona loron no oras ezame nasionál nian.

“Iha loron primeiru to’o ohin laiha fallansu, estudante-sira mós kumpri, tanba ne’e realizasaun ezame nasionál ne’e ami hatoman-an ona, ne’ebé ami fiar, hahú hosi ezame nasionál to’o ezame lokál sei la’o ho susesu,” nia orgullu.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here