Koordenadora programa dezenvolvimentu Feto Rurál, Hilária Amaral do Carmo. Imajen Tatoli/Celestina Teles.

COVALIMA, 15 dezembru 2021 (TATOLI)—Coordenadora Programa Dezenvolvimentu Feto Rurál, Hilária Amaral do Carmo, hateten Centro Comunidade Covalima (CCC) liuhosi programa feto ruràl durante ne’e fasilita ona grupu trajetu sia (9) iha munisípiu Covalima.

Nia hateten. grupu hirak ne’e CCC fasilita hodi transforma produtu lokál sai bolu, grupu balun kuda modo, kuda koto no liis, soru-tais no hosi atividade hirak ne’e sira bele suporta sira-nia oan ba eskola hodi bele sustenta sira-nia família uma laran. 

“Grupo hirak ne’e iha ona oportunidade asesu merkadu Nasionàl no Internasionál maibé iha grupu balun mós seidauk iha oportunidade, nune’e ami agora servisu hamutuk ho parseiru sira atu buka dalan nune’e sira bele asesu ba merkadu,” Hilária Amaral do Carmo informa ba Agência Tatoli iha nia knar fatin fatin, kuarta ne’e. 

Koordenadora ne’e mós hateten, aleinde fasilita grupu feto trajetu sira-ne’e, CCC mós fó formasaun ba feto sira iha área oioin. 

“Ami la’os fasilita de’it ona grupu trajetu sia (9) ne’e maibé fó treinamentu foku liu ba estrutura sira kona-ba lideransa no delegada no vendedór atu haforsa sira-nia kapasidade atu kompete ho mane sira,” nia dehan.  

Centro Comunidade Covalima kontinua fó formasaun ba grupu feto sira hanesan violénsia bazea ba jéneru iha postu administrativu Fatululik no Fatumea. 

CCC rejista grupu trajetu sira-ne’e mai hosi postu administrative Fatululik, Fatunea, Fohorem, Maucatar, Suai Vila, Tilomar no Zumalai.

Jornalista : Celestina Teles

Editór      : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here