Presu nesesidade bazika aas iha Kioske KIALFAT AMEJI ne’ebé lokaliza iha aldeia Orun, suku Ogues, postu administrativu Maucatar, Covalia. Imajen Tatoli/Celestina Teles.

COVALIMA, 15 dezembru 2021 (TATOLI)—Atu komemora loron boot Natal (26 dezembru 2021) no no besik tinan foun (02 janeiru 2022), nesesidade bázika iha munisipiu Covalima hahú sa’e makaas.

Na’in ba kioske KIALFAT AMEJI, Aderito da Conceição informa, presu nesesidade bázika iha munisípiu Covalima hahu sa’e makaas maibé ho razaun saida mak presu ne’e sa’e, nia rasik mós lahatene.

“Ami konsidera presu nesedidade bázika iha Covalima sa’e, hanesan foos marka Globus kilógrama 25 ne’e antes ne’e ho folin $12,50 maibé agora sa’e ona ba $14.00. Foos manu Vitória molok ne’e presu $12,59 maibé agora sa’e $ 14.00. Mina litru lima (5) antes ne’e nia folin $5,00 to’o $6,00 maibé agora sa’e ona ba $7,50 cent,” Aderita Conceição informa ba Agência Tatoli iha nia knar fatin, kuarta ne’e. 

Tanba, nia informa, nia parte ba sosa neseidade bázika iha loja boot ka fornesedór sira ne’e, presu  nesesidade bazika sa’e iha Munisípio Covalima. Bainhara sosa sasán iha loja ladún hetan rendimentu tanba hetan de’it lukru $ 0,50 no 1.00 de’it, nune’e konsumedór sira ladun sosa tanba karik laiha osan.

“Ami sosa sasán iha loja atu faan iha kioske mak nia presu sa’e, ami sempre husu. Loja na’in sira dehan, sira la fo razaun mai ami tanba estoke sasán menus iha nasionál,” nia informa 

Administradór Munisípiu Covalima, Francisco de Andrade, klarifika katak presu nesesidade bazika sa’e ne’e, la’ós akontese de’it ba komunidade iha munisipiu dsira e’it maibe inklui mos iha Nasionàl. 

Presu nesesidade bázika sa’e la’os iha munisípiu Covalima de’it, maibé iha nasionál mós sa’e, parese tanba ró ak la tama nune’e halo presu nesesidade bázika sa’e makaas. 

“Hanesan iha Dili, foin lalais ha’u sosa mina litru lima (5), antes ne’e ho presu $5.00, maibé foin lalais  ha’u sosa sa’e no nia presu $7.00 foos ho nia presu $13,00 sa’e ba $15,00. Ne’e signifika presu nesesidade bazika iha Nasionàl mos sa’e,” nia haktuir .

Ho presu neeesidade bazika signifika stoke sasan maka menus nune’e fornesedor nesesidade bázika sira hasa’e presu aat tebes.

“Ha’u sei orienta jestaun merkau hodi bele buka hatene presu nesesidade bazika ne’ebè mak sa’e no husu mos nia razaun presu nesesidade bázika sa’e,” nia hateten 

Jornalista : Celestina Teles

PUBLISIDADEiklan

HAKEREK NO HATÁN

Please enter your comment!
Please enter your name here