Situasaun debate faze espesialidade, iha sala plenária Parlamentu Naasionál, segunda (13/12). Imajen TATOLI/António Gonçalves.

DILI, 14 dezembru 2021 (TATOLI)–Reprezentante povu iha Parlamentu Nasionál liuhosi debate espesialidade ba proposta lei Orsamentu Jerál Estadu (OJE) 2022 aprova orsamentu adisionál millaun $2 ba Institutu Petróleu no Jeolojia Timor-Leste, Institutu Públiku (IPG, siglá portugés).

Proposta adisionál ne’e aprezenta hosi Antoninho Bianco (Fretilin), Maria Angélica Rangel (Fretilin), António da Conceção (PD), Maria Angelica Sarmento (PLP), ho votu afavór-45, kontra 0 no abstensaun 18.

“Nune’e proposta númeru 137 aprova,” Prezidente Parlamentu Nasionál, Deputadu Aniceto Longuinhos Guterres Lopes, anunsia liuhosi plenária, tersa ne’e

Proposta númeru 137 títulu (Servisu/Órgaun) IPG kategória despeza transferénsia públika ho programa kódiku 401 kona-ba jestaun rekursu petróliferu dotasaun inisiál laiha no alterasaun $2.000.0000.

Orsamentu adisionál ne’e hodi kontinua halo peskiza no atividade jeolojia no petróleu, no identifika poténsia rekursu hidríku sub-teraneu, mapeamentu jeolojíku, risku jeolójiku no jeo-tékniku ho instalasaun core-storage facility inklui dezeñu laboratóriu jeolójiku.

Aleind ne’e, PN aprova mós OJE 2022 ba IPJ ho montante inisiál $2,000,000, ho votu a-favór 46, kontra 0 no abstensaun 17.

Orsamentu ba 2022 ne’e, aloka ba bens servisu $2,000,000, saláriu vensimentu, bens servisu, kapitál menór, kapitál dezenvolvimentu ho transferénsia públika laiha. No hosi orsamentu refere sei finansia programa rua, sub-programa haat no atividade sia.

Programa jestaun rekursu pretrolífeiru no minerál prevee $ 846,352 no programa boa-governasaun no jestaun instituisionál prevee $ 1,153,648.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here