Situasaun debate no votasaun OJE 2022 iha faze espesialidade, iha sala plenária Parlamentu Naasionál, segunda (13/12). Imajen TATOLI/António Gonçalves

DILI, 14 dezembru 2021 (TATOLI)—Parlamentu Nasionál liuhosi debate espesialidade ba proposta lei Orsamentu Jerál Estadu (OJE) 2022 aprova orsamentu adisionál $900.000 ba Servisu Rejistu no Verifikasaun Emprezariál (SERVE), Institutu Públiku.

“Rezultadu votasaun ba proposta númeru 139 ho votu a-favór 53, kontra 0 no abstensaun 10 nune’e pasa,” Prezidente Parlamentu Nasionál, Deputadu, Aniceto Longuinhos Guterres Lopes, deklara iha plenária, tersa ne’e.

Proposta númeru 139 ho adisionál ne’e aprezenta hosi pronente António Nobre Tilman (KHUNTO) no Elbina Sousa (PD).

Orsamentu adisionál ne’e tau iha kategória despeza saláriu vensimentu ho programa kódiku 510 kona-ba boa-governasaun no jestaun instituisionál ne’ebé sei hala’o pagamentu ba funsionáriu rekrutadu hosi SERVE ba munisípiu sira.

Aliénde ne’e, PN aprova mós proposta OJE 2022 ho montante inisiál $1,637,259 ba SERVE ho rezultadu votasaun a-favor 50, kontra 0 no abstensaun sia.

Orsamentu tinan 2022 ne’e sei aloka ba bens servisu $1,637,259, saláriu vensimentu, kapitál menór, kapitál dezenvolvimentu no transferénsia públika laiha.

SERVE iha programa rua boa-governasaun no jestaun instituisionál ho investimentu no diversifikasaun ekonómia, sub-programa rua no atividade rua.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here