Deputadu sira iha Parlamentu Nasionál aprova orsamentu iha debate no votasaun OJE 2022 iha sala plenária Parlamentu Nasionál, sesta (10/12/2021). Imajen TATOLI/Antonio Gonçalves.

DILI, 14 dezembru (TATOLI)- Deputadu sira Parlamentu Nasionál, tersa ne’e, aprova  Orsamentu Jerál Estadu (OJE) 2022 ho montante $1.884.440  ba Komisaun Anti Korupsaun (CAC, sigla Portugés) iha espesialidade votu afavor 49, abstensaun 13 no kontra 0.

“Nune’e, orsamentu ba Komisaun Anti Korrupsaun pasa,” Prezidente Parlamentu Nasionál, Deputadu Aniceto Longuinhos Guterres Lopes, hateten, iha sala plenária Parlamentu Nasionál.

Notísia Relevante: KAK Dezenvolve Polítika Nasionál ba Estratéjia Kombate Korrupsaun

Hosi totál $1.884.440, fahe ba kategoria salariu no vensimentu $937.966, bens no servisu $878.834, transferénsia públika laiha, kapitál menór $67.640 no kapital dezenvolvimentu laiha.

Orsamentu ne’e sei finansia ba programa rua hanesan asesu justisa prevee $228.458 no governasaun di’ak no jestaun institusionál ho orsamentu $1.655.982.

PN aprova proposta adisionál rua hosi  Komisaun Anti Korupsaun iha kategoria despeza salariu vensimentu $40.500, hodi halo pagamentu ba subsidiu transporte karreta  ba kargu xefia nain-71.

Adisionál seluk maka aumenta tan osan adisionál iha kategoria despeza bens no servisu ho programa boa governansaun no jestaun institusionál $167, 916.

Hosi orasamentu adisionál ne’e $27.000, sei rekruta asesór internasionál ba área investigasaun kriminál ho duransaun fulan neen no prevee $8.500 ba viajen lokál.

CAC mós prevee $64.500 atu halo rekrutamentu ba asesór internasionál ba dezenvolvimentu estratéjia nasionál anti koruppsaun, $50.000 atu halo pagamentu ba tékniku konsultór ba risku korrupsaun iha Timor-Leste, $10.000 halo estensaun no manutensaun edifisiu CAC, $33.916 hala’o ba pagamentu asesór juridiku sira iha CAC no $9.000 pagamentu ba asesór nasionál sira.

Notísia Relevante: CAC: prevene no kombate korrupsaun presiza asaun koletiva

Jornalista : Natalino Costa

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here