Situasaun debate faze espesialidade, iha sala plenária Parlamentu Naasionál, segunda (13/12). Imajen TATOLI/António Gonçalves.

DILI, 14 dezembru 2022 (TATOLI)–Parlamentu Nasionál (PN) liuhosi debate no votasaun Proposta Jerál Estadu (OJE) 2022 iha faze espesialidade, tersa ne’e, aprova verba ba Autoridade Inspesaun no Fiskalizasaun ba Atividade Ekonómika no Sanitária (AIFAESA) ho montante $1.006.370, ho rezultadu a-favór 47, kontra 0, abstensaun 13.

“Nune’e, Orsamentu Jerál Estadu 2022 ba AIFAESA aprovadu,” Prezidente Parlamentu Nasionál (PPN), Deputadu Aniceto Longuinhos Guterres Lopes, hateten, iha sala plenária PN.

Orsamentu aprovadu aloka ba saláriu no vensimentu $36.720, bens no servisu $969.650, kapitál menór, kapitál dezenvolvimentu no transferénsia públika laiha.

Notísia relevante: AIFAESA halo destruisaun ba produtu ai-han liu prazu

Verba ne’e hodi finansia programa rua hanesan boa governasaun no jestaun instituisionál $487.026 no investimentu diversifikasaun ekonómika $519.344.

AIFAESA ninia misaun mak atu asegura realizasaun atividade kontrolu kualidade alimentár no produtu, produsaun no komersializasaun.

Nune’e mós, ba estabelesimentu ulilizasaun lokál públika, hodi bele elimina no prevene risku ba saúde públika, hanesan mós disiplina ba ezersísiu liuhosi atividade ekonómika iha setór alimetár no non-alimentár.

Halo mós kontrolu ba matéria meteorolojia no padronizasaun mediante atividade inspesaun no fiskalizasaun tuir komprimentu ba lijizlasaun kona-ba matéria tuir artigu 3 dekretu lei númeru 26/2016 29 juñu.

Jornalista : Arminda Fonseca

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here