Deputadu sira iha Parlamentu Nasionál aprova orsamentu iha debate no votasaun OJE 2022 iha sala plenária Parlamentu Naasionál, sesta (10/12/2021). Imajen TATOLI/Antonio Gonçalves.

DILI, 14 dezembru 2021 (TATOLI)—Deputadu sira iha uma fukun Parlamentu Nasionál liuhosi diskusaun espesialidade ba proposta lei Orsamentu Jerál Estadu (OJE) 2022 aprova orsamentu $2,782,071 ba Komisaun Funsaun Públika (CFP, siglá portugés) ho votu a-favór 47, kontra 0 no abstensaun 15.

“Nune’e orsamentu ba Komisaun Funsaun Públika pasa,” Prezidente Parlamentu Nasionál, Deputadu Aniceto Longuinhos Guterres Lopes, deklara iha plenária, tersa ne’e.

Orsamentu ba 2022 ne’e, sei aloka ba saláriu vensimentu $1,591,331, bens servisu $1,177,840, transferénsia públika $12,900, kapitál menór no kapitál dezenvolvimentu laiha, no orsamentu ne’e sei finansia programa rua (2), sub-programa ualu (8) no atividade 24.

Programa boa-governasaun no jestaun instituisionál prevee $2,774,071 no programa igualidade jéneru no inkluzaun sosiál prevee $8,000. Programa boa-governasaun no jestaun insituisional ho sub-programa boa-governasaun no nia atividade apoiu jurídiku.

Sub-programa jestaun instituisionáll nia atividade jestaun finanseira, administrasaun no lojístika, planeamentu monitorizasaun no estatístika, aprovizionamentu jestaun kontratu.

Sub-programa polítika lejislasaun no regulamentu ho atividade dezenvolvimentu proposta lejislativa no regulamentu, elaborasaun polítika peskiza no dezenvolvimentu.

Sub-programa jestaun rekursu umanu iha funsaun públika ho atividade realiza prosesu rekrutamentu, promosaun, nomeasaun, asegura avaliasaun dezempeñu progresaun eskalaun, prosesa mapa pagamentu saláriu no kontrolu pagamentu, jestaun prosesu pensaun, realiza prosesu disiplinár no aplika respetiva pena, atividade koordena ho organiza programa jestór profisionál rekursu umanu administrasaun públika.

Sub-programa revitaliza kultura traballu ho ninia atividade mak implementa polítika distinsaun ho prémiu funsaun públika, atividade komemora loron nasionál funsaun públika, monitoriza kumprimentu kuadru legál no étiku iha administrasaun públika, atividade dezenvolve kuadru formasaun ba profisionalizasaun iha funsaun públika, atividade mídia komunikasaun no dokumentasaun.

Sub-programa inovasaun teknolójia no integrasaun sistema ho atividade integrasaun sistema informasaun ho SIGAP, atividade asegura dezenvolvimentu sistema informatizadu funsaun públika no manutensaun SIGAP.

Sub-programa rekursu umanu prestasaun servisu ho atividade jestaun rekursu umanu ba prestasaun servisu.

Purtantu, programa igualidade jéneru no inkluzaun sosiál iha sub-programa abordajém jéneru no atividade lei, polítika ho jestaun rekursu umanu koerente ho igualdade oportunidade empregu  diversidade forsa traballu, atividade  formasaun ba lideransa no jestaun feto iha funsaun públika no promove oportunidade asesu iha funsaun públika ba ema ho defisiénsia.

Jornalista : Nelson de Sousa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here