Ministra Saúde, Odete Maria Freitas Belo. imajen/ media MS

DILI,14 dezembru 2021 (TATOLI)— Ministériu Saúde (MS) hamutuk ho parseiru nasional no internasional sira, tersa ne’e, realiza  semináriu hapara estigma no diskriminasaun hosi pesoál saúde ho tema “Timor-Leste livre hosi estigma no diskriminasaun ba ema ho HIV-SIDA. Ita hotu nia responsabilidade. Ita hotu nia Lian”.

Biban ne’e Ministra Saúde, Odete Maria Freitas Belo, husu ba pesoál saúde sira labele halo estigmasaun no diskriminasaun ba ema ho moras HVI-SIDA, maibé trata sira hanesan ho moras sira seluk.

”Ita profisionál saúde, família no sidadaun sira labele estigma no diskrimina ema ho HIV-SIDA, tanba sira iha direitu atu hetan tratamentu,” Ministra Odete, hateten iha ba jornalista sira iha salaun Novu Turizmu, Lecidere, Díli.

Governu liuhosi MS halo planu estratéjiku iha área edukasaun sivika ho di’ak atu nune’e timór-oan sira la’o tuir hodi labele hetan moras HIV-SIDA

Nune’e, Ministra husu ba sidadaun ne’ebé mak moris ho HIV-SIDA, sira lalika tauk. karik sira hatene iha pesoál saúde balun ne’ebé mak ninia komportamentu la di’ak no nia karakter la di’ak bele hato’o keixa.

“Bele fó hatene ba ami atu nune’e ami bele hadia ami-nia serbisu,” nia akresenta.

Tanba, Tuir Ministra katak estigma no diskriminasaun hanesan meiu ida ne’ebé difikulta tebes ba prosesu prevensaun no kombate HIV-SIDA no fasilita tebes ba mortalidade.

Iha fatin hanesan, Diretór Organizasaun Naun Govermentál Estrela + Ines Lopes hateten, estudu iha tinan 2017 hatudu katak pesoál saúde balun halo estigma no diskriminasaun kuaje 40%  hosi 81 respondente hateten katak pesoal saúde fó sai sira-nia dadus sein hetan autorizasaun hosi sira.

“Ami la’os duun maibé esprensia ne’ebé ami foti  atu rekomenda ba MInistériu Saúde atu hadia ba oin labele akontese tan atu ema hotu bele livre ba asesu tratamentu no mós ba ema sira ne’ebé mak afetadu HIV-SIDA bele sente livre asesu ba tratamentu no fasil hatudu an ba publiku hanesan mós ema seluk,’’ nia rekomenda.

Notísia Relevante: Klínika Bairru-Pité rejista pasiente HIV-SIDA 300 no óbitu na’in-69

Jornalista : Felicidade Ximenes

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here