MSSI apoia kaixaun ba família kbiit laek. Imajen/Dok.TATOLI

COVALIMA, 14 dezembru 2021 (TATOLI)—Diretór Servisu Asuntu Sosiál Covalima (SASC), Abrão Nascimento, informa hahú janeiru to’o dezembru ne’e, Servisu Munisípiu Asaun Sosiál fó apoia kaixaun 326 ba família matebian vulnerável. 

Notísia Relevante: Servisu Sosiál Covalima apoia kaixaun 82 ba família matebian vulnerável

“Hahú janeiru to’o dezembru ne’e, ami apoiu ona kaixaun hamutuk 326 ne’ebè fahe ba katégoria ema indultu ba joven no ba labarik kiik,” Abrão Nascimento hateten ba Agência TATOLI, iha Suai Loro, tersa ne’e.

Servisu Sosiál Covalima laiha fatin hodi rai kaixaun, tanba ne’e kompañia ne’ebé halo kaixaun mak rai iha armajen no bainhira Servisu Sosiál halo despaixu ba kompañia mak hasai kaixaun ne’ebé ho presu tuir medida hanesan 50×80 cm nia presu $60, medida naton $90, medida sentimetru 140 to’o 200 ne’e ho folin $170.

Durante ne’e, Servisu Sosiál munisipál fó apoia kaixaun barak liu iha postu administrasaun Suai Vila, Maucatar, Tilomar no Zumalai, maibé postu administrativu Fatumea no Fatululik ladún tanba laiha transporte atu transporta ba postu sira-ne’e.

“Kaixasaun 326 ne’e gasta orsamentu hamutuk $51,335.00” nia dehan.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here