Prezidente Repúblika, Francisco Guterres Lú Olo. Imajen António Gonçalves

DILI, 13 novembru 2921 (TATOLI)—Prezidente Repúblika, Francisco Guterres Lú Olo, sei hala’o diálogu ho autoridade no reprezentante komunidade iha munisípiu Bobonaro iha loron 15 dezembru 2021 no iha Liquiça iha 17 dezembru 2021.

“Diálogu iha munisípiu rua, Prezidente Repúblika sei esplika kona-ba situasaun polítika rai-laran no rona preokupasaun sira hosi autoridade lokál, organizasaun sosiedade sivíl, veteran sira, konfisaun relijioza, foinsa’e no estudante kona-ba prosesu dezenvolvimentu iha nível nasionál no lokál,” refere komunikadu imprensa ne’ebé Agência Tatoli asesu hosi Palásiu Prezidensiál Nicolau Lobato, Bairru Pite, Dili, segunda ne’e.

Prezidente Repúblika sei akompaña hosi membru VIII Governu Konstitusionál atu hatán ba preokupasaun sira hosi reprezentante sira iha kada munisípiu.

Ba oin, orgaun ezekutivu bele halo esforsu oioin hodi responde asuntu ne’ebé autoridade lokál, líder komunitária sira foti iha diálogu.

Prezidente Repúblika sei husik Díli ba munisípiu Bobonaro, iha 14 dezembru 2021, no sei fila-fali mai sidade kapitál, iha 18 dezembru 2021.

Prezidente Repúblika sei presta omenajen ba erói no martires libertasaun Pátria iha Osoáriu Maliana no Liquiça, kuda ai-simbolikamente no entrega ai tokon ida resin ba reprezentante hosi munisípiu 12 no Rejiaun Administrativa Espesiál Oé-Cusse Ambeno (RAEOA) nu’udar parte hosi kampaña ne’ebé Xefe Estadu inisia “Sidadaun Ida, Ai-oan Ida”.

Antes ne’e, Prezidente Repúblika halo ona vizita traballu ba munisípiu Viqueque, Covalima, Lautém, Baucau, Ermera, Manufahi no Ainaro.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here