Diretór Ensinu Báziku SentrÁl Tirilolo, Vicente Marçal da Silva. Imajen Tatoli/Natalino Belo.

BAUCAU, 13 novembru 2021 (TATOLI) – Estudante sira hosi ensinu báziku, sekundária jerál no téknika vokasionál iha munisípiu Baucau, segunda ne’e hahú ona ezame nasionál ne’ebé sei termina iha loron kuarta semana ne’e.

Diretór Eskola Ensinu Báziku Sentrál Tirilolo, Vicente Marçal da Silva, esplika, ezame loron dahuluk kompostu hosi disiplina lima mak hanesan matemátika no inglés, no aban portugés, istória, geografia no loron ikus (kuarta) mak edukasaun fízika naturál.

Profesór sira-ne’ebé halo vijilánsia hosi ensinu báziku Seisal no Vila Nova, EBS Tirilolo hamutuk turma 15 mak utiliza ba ezame nasionál hosi totál estudante ne’ebé partisipa ezame hamutuk 298.

“Estudante partisipa hotu, na’in-lima mak ezame iha edukasaun munisipál tanba kazu gravida no kazu krime. Enkuantu 293 iha ne’e kompostu hosi eskola rua filiál Buruma no Sentral,” Vicente hateten iha ninia kna’ar-fatin, Tirilolo, segunda ne’e.

Estudante na’in-lima ezame ketak iha edukasaun munisípiu tanba situasaun grávida komposta hosi feto na’in-tolu tanba isin-rua no mane na’in-rua ne’ebé durante ne’e halo krime agregasaun fíziku hasoru estudante seluk iha eskola.

Diretór EBS garante 100% no iha esperansa estudante hirak-ne’e bele utrapasa ezame tanba antes ne’e parte eskola distribui matéria rezumu hosi primeiru to terseiru klase atu prepara aan.

Entretantu, ezame lokal sei realiza iha loron kinta to’o sesta, matéria ezame lokál hanesan relijiaun, desportu, edukasaun arte sívika sidadania no ekonomia.

Totál estudante Baucau ne’ebé partisipa iha ezame nasionál hosi ensinu báziku hamutuk 3.328, ensinu sekundária hamutuk 2.093 no ensinu vokasionál hamutuk 286.

Jornalista         : Natalino Belo

Editór               : Evaristo Soare Martins

PUBLISIDADEiklan

HAKEREK NO HATÁN

Please enter your comment!
Please enter your name here