Estudante Sekundáriu Eskola 04 Setembru tuir ezame nasionál, iha Viqueque villa, segunda (13/12). Imajen TATOLI/Vitorino Lopes da Costa

VIQUEQUE, 13 dezembru 2021 (TATOLI)—Estudante finalista Viqueque hamutuk na’in-3.583, iha segunda ne’e, partisipa iha abertura ezame nasionál.

“Ohin abertura realiza iha Eskola Sekundáriu 04 Setembru Viqueque, ne’ebé sei finaliza iha sesta ne’e no kontinua lori ba nasionál hodi halo korresaun,” Diretór Servisu Edukasaun munisipál, Emídio Amaral, hateten ba Agência TATOLI, iha Eskola 04 Setembru, Viqueque villa, segunda ne’e.

Notísia relevante: Estudante 58.224 iha territóriu nasionál sei partisipa ezame nasionál

Tuir dadus estudante finalista ne’ebé partisipa ezame nasionál hosi Ensinu Báziku Sentrál 2.077, Ensinu Sekundáriu Jerál 1.445 no Eskola Tékniku Vokasionál hamutuk na’in-61.

“Ezame ohin ne’e ita haree buat hotu la’o di’ak, estudante sira mós kumpre regra ezame nasionál,” nia akresenta.

Abertura ezame nasionál iha nível munisípiu Viqueque, iha Eskola Sekundáriu 04 Setembru, hahú tuku 8:00 dadeer no daudaun estudante sira sei kontinua prienxe pontu ezame. 

Iha kada aula prienxe estudante na’in-20, tuur distánsia no kada aula ida iha vizilante profesór na’in-rua no iha ezame nasionál ne’e hetan akompaña kuríkulu nasionál hosi Ministériu Edukasaun Juventude no Desportu (MEJD).

Enkuantu, estudante Sekundáriu Eskola 04 Setembru, kandidatu ba  ezame nasonál hosi estudante siénsia teknolojia hamutuk  na’in-181 no siénsia sosiál na’in-124, ho totál estudante hamutuk na’in-305.

Jornalista : Vitorino Lopes da Costa

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here