Ilustrasaun COVID-19. Imajen/Espesiál

DILI, 11 dezembru 2021 (TATOLI)–Ministériu Saúde (MS) atualiza dadus COVID-19, iha sábadu ne’e, ne’ebé rejista kazu pozitivu foun laiha, rekuperadu ida no kazu ativu-haat.

“Nune’e, hosi loron 21 marsu 2020 to’o 11 dezembru 2021, kazu konfirmadu 19.829 no óbitu 122,” Diretora Jerál MS, Odete da Silva Viegas, relata liuhosi nota ne’ebé Agência TATOLI asesu, sábadu ne’e.

Horiseik mai ohin, Laboratóriu Nasionál Saúde halo teste PCR 66, kompostu hosi vijilánsia sentinela laiha, rastreiu ba kontaktu laiha, rastreiu aleatóriu rua, viajen internasionál hitu, follow up iha kuarentena 57.

Aleinde ne’e, totál teste PCR ne’ebé halo iha loron 10 dezembru iha munisípiu seluk Rejiaun Administrativa Espesiál Oé-cusse Ambeno (RAEOA) no Hospital Nasional Guido Valadares (HNGV) hamutuk 96, kompostu hosi Baucau hitu, Ermera laiha, Maubisse tolu, Maliana haat, RAEOA hitu, Suai sia, Viqueque laiha, Lospalos laiha, HNGV 66 no Vera Cruz laiha.

Insidénsia COVID-19 iha Timor-Leste durante loron hitu semana ikus maka 0,0/100 mill abitante.

Iha sábadu ne’e, izolamentu Vera Cruz, Lahane, HNGV, no fatin seluk iha territóriu laran tomak ne’ebé halo tratamentu ospitalizadu ba kazu detetadu pozitivu laiha, moderadu laiha no kma’an laiha.

Iha sorin seluk, populasaun elijível tinan 18 ba leten ne’ebé simu vasina to’o iha 11 dezembru tuir sistema informasaun saúde iha MS doze dahuluk iha Dili 86,9% no doze daruak 78,3% .

Enkuantu, sidadaun iha territóriu nasionál ne’ebé simu ona vasina doze dahuluk 82,2% no simu ona doze daruak 63,2%.

Jornalista : Arminda Fonseca

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here