Lia-na’in sira hosi Kartketu Munisípiu Dili bainhira simu Ró Berlin-RAMELAU ne’ebé atraka iha Ponte Kais, Dili, sesta (10/12/2021). Imajen TATOLI/Antonio Gonçalves.

DILI, 10 dezembru 2021 (TATOLI)—Prezidente Autoridade Rejiaun Administrativa EspesiálOé-Cusse Ambeno (RAEOA), Arsénio Paixão Bano, sente haksolok ho prezensa Ró Berlin-Ramelau tanba bele hasai RAEOA hosi izolamentu.

Notísia Relevante: Ró Berlin-Ramelau to’o iha Timor-Leste

“Ró foun ne’ebé mai, hanesan Prezidente Autoridade haksolok tebes no agradese ba Governu Sentrál no Ministériu Transporte Telekomunikasaun, tanba ró ne’e sei fasilita transporte Oé-Cusse Dili no Atauro,” Arsénio Paixão Bano hateten ba jornalista sira hafoin asina akordu ho SEJD, iha Gabinete ZEEMS Faról, Dili, sesta ne’e.

Alende ne’e, nia dehan, Ró Berlin-Ramelau mós sei bele viabiliza fila-fali problema transporte ne’ebé iha entre ligasaun Oé-Cusse-Díli no bele hasai rai enklave Oé-Cusse hosi izolamentu.

“Hanesan ami hateten ona katak, agora defisil tebes no ami agradese mós ba Ataúro Expreso ne’ebé prenxe lakuna sira. Tanba, RAEOA halo akordu ida ho Ataóro Expreso atu prenxe lakuna sira dezde uluk. Agora ita iha Ró Berlin-Nakroma no RAEOA mós informa ona katak RAEOA halo tentativa no negósiasaun la’o no dudu hela kompañia lokál sira atu investe iha área transporte marítima,” nia dehan.

Tinan ida-ne’e ramata, nia dehan, ba oin labele iha tan problema ho transporte marítima Oé-Cusse-Dili-Ataúro, ida-ne’e RAEOA no Governu Sentrál mós kompromete no ikus liu sei mai ró ida tan iha tempu ikus sai ró tolu.

Tanba, RAEOA aposta iha servisu makaas ba hasai Oé-Cusse hosi izolamentu, ne’e signifika transporte marítima no áero labele para no esforsu ne’e sei halo nafatin ba povu Oe-Cusse atu Ataúro labele moris iha izolamentu nia laran.

Notísia Relevante: APORTIL delega tékniku ida akompaña konstrusaun ró Berlin-Ramelau

Jornalista : Nelia Fernandes

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here