Deputadu sira aprova orsamentu ministériu iha debate no votasaun faze espesialidade, iha sala plenária Parlamentu Naasionál, sesta (10/12). Imajen TATOLI/António Gonçalves

DILI, 10 dezembru 2021 (TATOLI)–Parlamentu Nasionál (PN) liuhosi diskusaun iha espesialidade aprova orsamentu tinan 2022 ho montante $8.976.153 ba Ministériu Transporte no Komunikasaun (MTK), ho rezultadu votu a-favór 42, abstensaun 22 no kontra 0.

“Nune’e, Orsamentu Jerál Estadu (OJE) 2022 ba Ministériu Transporte no Komunikasaun aprovadu,” Prezidente Parlamentu Nasionál, Deputadu Aniceto Longuinhos Gutteres Lopes, deklara, iha sala plenária, sesta ne’e.

Orsamentu $8.976.153 fahe ba kategoria saláriu no vensimentu $2.042.216, bens no servisu $4.272.906, kapitál menór laiha no kapitál dezenvolvimentu $1.398.531, transferénsia públika $1.162.500.

Aleinde ne’e, verba alokadu sei finansia sub-programa 12, atividade 41, no programa lima hanesan telekomunikasaun $1.707.936, transporte $2.543.669, boa governasaun no jestaun instituisionál $4.548.939, portu $55.582 no igualidade jéneru no inkluzasaun sosiál $20.000.

Notísia relevante: Alfándega sujere MTK halo revizaun dekretu-lei importasaun veíkulu

Iha debate orsamentu ba MTK, Deputadu Bankada Governu, António Verdial de Sousa (KHUNTO), Abel Pires da Silva (PLP), no António Nobre Tilman (KHUNTO) aprezenta proposta rua.

Proposta númeru 71 mensiona MTK transfere orsamentu hosi kategoria despeza bens no servisu ba programa transporte, ho dotasaun inisiál kategoria $1.74.254, alterasaun aumenta tan $600.000, ho dotasaun finál $1.664.254.

Nune’e mós, dotasaun inisiál totál kategoria despeza $4.262.906 no dotasaun finál kategoria despeza $4.872.906.

Liuhosi justifikasaun sumária, Deputadu proponente sira argumenta, razaun hato’o proposta ne’e tanba rekolla informasaun hosi audénsia públika ba orsamentu alokadu ba kategoria bens no servis, ne’ebé afeta ba programa transporte dezignadamente ba programa jere integrasaun seguransa no dezenvolvimentu rejionál transpore terrestre, ne’ebé insufisiente atu kompremete objetivu kurtu prazu ba MTK.

Ho nune’e, MKT husu audisionál ho montante $600.000, hodi halo akizisaun ba materiál emisaun karta kondusaun liverente  rejistu automóvel, xapa matríkula jestaun no manutensaun sistema nasionál karta kondusaun no rejistu veíkulu.

MTK nia kategoria despeza bens no servisu ba programa transporte no sub-programa jere integrasaun seguransa no dezenvolvimentu rejionál transporte públiku, atividade mantein jere sistema nasionál karta kondusaun ba Diresaun Nasionál Transporte Terrestre, ho dotasaun inisiál atividade $253.823, alterasaun $250.000 no dotasaun finál ba atividade $503.823, ne’ebé tau iha rúbrika materiál fornesementu operasionál.

Ba karegoria despeza bens no servisu nafatin ba programa transporte no sub-programa atividade mantein jere sistema nasionál rejistu veikulu, iha Diresaun Nasionál Transporte Terrestre, ho dotasaun inisiál atividade $344.460, alterasaun akresenta tan $50.000 no dotasaun finál atividade $694.460, tau iha rúbrika materiál fornesementu operasionál.

Enkuantu, proposta númeru 72 iha programa boa govenasaun no jestaun instituisionál, kategoria despeza transferénsia públika programa boa governasaun no jestaun instituisionál, sub-programa jestaun instituisionál atividade jestaun finanseiru, Diresaun Nasionál Orsamentu Jestaun Finanseiru, ho dotasaun inisiál kategoria $1.162.500, alterasaun aumenta tan $2.58.302, nune’e dotasaun finál atividade $3.220.802.

Nune’e, iha diskusaun no votasaun ba proposta rua pasa ho rezultadu hanesan, a-favór 41, kontra 0 no abstensaun 24.

Jornalista : Arminda Fonseca

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here