Diretór Jerál Korporativu Ministériu Saúde (MS), Marcelo Amaral. Imajen Tatoli/Natalino Belo.

BAUCAU, 10 novembru 2021 (TATOLI) – Diretór Jerál Korporativu Ministériu Saúde (MS), Marcelo Amaral, husu profisionál saúde sira atu hadi’a kualidade atendimentu ba pasiente sira.

Marcelo Amaral esplika, daudaun ne’e parte ministériu elabora hela mekanismu atu hadi’a kualidade serbisu nune’e estandariza serbisu ospitál nian.

Tuir nia, sasukat kualidade di’ak mak presiza iha apresiasaun no sastizfasaun hosi komunidade no institusaun tenke garante kualidade sira hanesan iha rejionál no internasionál sira.

“Nasaun balun implementa ona, prosesu ne’e ita tenke hakat ba oin, sé lae ita kria fasilidade didi’ak hanesan ICU maibé tratamentu iha laran pasiente sira-nia família mak tuir hein fali, tanba ne’e presiza hadi’a kualidade serbisu sira-ne’e atu responde ba dezafiu sira,” Marcelo hateten iha HorEX, Vila Nova, sesta ne’e.

Dirijente MS ne’e akresenta, konstrusaun ICU iha HorEX Baucau hosi governu EUA atu fasilita serbisu atendimentu ba pasiente krítiku sira iha sentru leste tanba durante ne’e tenke transporta ba Hospital Nacional Guido Valadares (HNGV), Dili.

“Normalmente iha sosiedade seidauk rezolve problema hotu-hotu maibé problema seluk ne’ebé bele rezolve, la presiza transporta tán ba Dili,” Marcelo komenta.

Notisia relevante: EUA-MS hatuur fatuk dahuluk konstrui ICU iha HorEX Baucau

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here