Inséndiu ne'ebé akontese iha aldeia Larigua, suku Haeconi, postu administrativu Baguia, munisípiu Baucau rezulta uma ida mutuk, sesta (10/12). imajen espesiál.

BAUCAU, 10 dezembru 2021 (TATOLI) – Akontesementu inséndiu iha aldeia Larigua, suku Haeconi, postu administrativu Baguia, munisípiu Baucau rezulta uma mutuk totál tanba kauza hosi sirkuitu eletrisidade.

Xefe suku Haeconi, Luis de Oliveira, informa, kronolojia hosi inséndiu ne’e seidauk hatene kauza loloos  tanba hafoin udan derrepente ahi haan uma ida iha loron kinta (09/12).

“Sasán la salva ida, tanba udan no anin hodi rezulta Bemvindo António Barros iha uma tanba nia kaben moras halo tratamentu iha Hospitál Nasionál Guido Valadares (HNGV, nia alin mak hela netik, uma taka tiha tanba ba to’os nune’e mak ahi-haan nia uma ,” Xefe suku ne’e informa ba Agência Tatoli liuhosi telefónika, sesta ne’e.

Purtantu, Diretór Servisu Protesaun Sivíl Jestaun Dezastre Munisípiu Baucau, Nelson Nunes, kontaktu ona ho parte autoridade postu Baguia hodi koordena relasiona ho apoia emerjénsia ba vítima ne’ebé uma ahi-haan kauza hosi sirkuitu eletrisidade.

“Apoia ne’ebé parte protesaun ajuda emerjénsia mak hanesan foos, sardina no sasán dapur nian,” Nelson hateten.

Nune’e Nelson apela ba komunidade iha área Baucau atu prevene-aan durante tempu udan, liuliu antensaun ba komunidade ne’ebé hela besik área risku dezastre hanesan mota ninin no rai-lolon.

“Karik mota boot tenke hakmatek, labele ultrapasa no iha rai-lolon karik, sees-aan nune’e labele hamosu vítima,” Nelson akresenta.

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here