Prezidente Sentru Komunitáriu Aprendijazen ba Kreativu, Hipolito Ximenes. Imajen Tatoli/Natalino Belo.

BAUCAU, 10 dezembru 2021 (TATOLI) – Estudante ensinu rekorrente na’in-22 hosi munisípiu Baucau sei partisipa iha ezame lokál no nasionál ne’ebé sei realiza iha loron 13 dezembru.

Prezidente Sentru Komunitáriu Aprendijazen ba Kreativu, Hipolito Ximenes, esplika, estudante hirak-ne’e komposta hosi feto na’in-haat (4) no mane na’in-18 ne’ebé sei tuir ezame iha loron segunda, 13 dezembru.

Durante ne’e, estudante sira hala’o aprendizajen loron tolu kada semana no tuir ona ezame períodu dahuluk, daruak no agora atu tama ba períodu datoluk nian.

“Hamutuk na’in-22 mak iha ona lista ne’ebé konfirma ona hosi nasionál, espera katak estudante hirak-ne’e bele partisipa másimu iha ezame ne’ebé monu semana oin,” Hipolito ko’alia iha Villa nova, sabadu ne’e.

Matéria importante ne’ebé aprende mak nível ekivalénsia hosi matéria ensinu bazíku terseira siklu nian hamutuk matéria-ualu no matéria ne’ebé la aprende mak Relijiaun, Morál no Desportu.

“Kona-ba pasa ka lae, depende ba sira-nia vontade estuda, sira estuda di’ak ba matéria sira-ne’ebé mak ami fó, espera katak sira bele hanesan mós eskola formál seluk,” Hipólito akresenta.

Estudante ne’ebé mak eskola iha ensinu rekorrente Baucau mai hosi estudante ne’ebé mak hapara sira-nia estudu iha nível ensinu báziku to’o sekundária. Totál profesór ne’ebé mak hanorin iha eskola ensinu rekorente hamutuk na’in-lima (5).

Jornalista         : Natalino Belo

Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here