Guarda prizonál no prezu sira iha prizaun Covalima rona hela informasaun kona-ba relatóriu “Chega!” no “Per Memoriam Ad Spem” hosi Centro Nacional Chega (CNC). Imajen Tatoli/Celestina Teles.

COVALIMA, 10 dezembru 2021 (TATOLI)—Centro Nacional Chega! (CNC) I.P, Da Memoria a Esperanca, sesta ne’e hala’o diseminasaun kona-ba implementasaun rekomendasaun sira hosi relatóriu CAVR “Chega!” no CVA “Per Memoriam Ad Spem” ba guarda prizionál no prizioneiru sira iha prizaun Covalima.

Notísia Relevante: Selebra ‘Loron Memória’, CNC-estudante sira vizita fatin istóriku iha Covalima

“Diseminasaun relatóriu Chega! ba guarda prizionál no prezu sira tanba sira iha prizaun laran, sira mós iha direitu atu hatene kona-ba rekomendasaun sira hosi Chega! no CVA nian,” Reprezenta Diretór CNC Gaudensio Soares Sousa, informa ba Agência Tatoli hafoin disemina informasaun, iha prizaun Covalima.

CNC disemina nia papel bazea ba dekretu-lei númeru 48/2017, fó mandatu ba CNC tenke halo diseminasaun ba entidade hotu, liu-liu iha rekomendasaun Chega! ne’e ko’alia oinsá atu halo tratamentu ba prezioneiru sira ne’e, sai hanesan rekomendasaun ida oinsá no tau atensaun ba guarda prizonál sira mós. 

Ho   dektretu-lei ne’e, CNC realiza ona sensibilizasaun iha nivel munisípio realiza iha tinan 2019, iha ámbito komemorasaun tinan 20 loron konsulta popular iha postu administrativu Fohorem, Zumalai no iha prizaun Covalima. 

Diretór Interinu Prizaun Covalima, Agusto Humberto dos Reis, hateten sensibilizaun papél CNC atu implementa rekomendasaun “Chega!” no “Per Memoriam Ad Spem” ne’e importante hodi bele sai bukae id aba guarda priozional no prezu sira hatenek kona-ba sira-nia direitu,

“Atividade ne’e hanesan bukae mai ami no oportunidade di’ak jere situsaun sai memória hodi rai iha ita nia kakutak, atu kontinua konta istória ba ita-nia oan sira,” nia dehan. 

Nia hato’o agradese ba CNC no husu CNC atu kontinua disemina informasaun kona-ba CNC nia papel no programa ida-ne’e, hanesan hola parte mós iha edukasaun sívika ba sidadaun sira. 

“Agradese ba CNC nia programa no ha’u rekomenda atu kontinua disemina, nune’e ema hotu bele hatene istoria espesiálmente ba ita-nia populasaun Timor laran tomak. Tanba, ba sira ne’ebè foin moris 1980 la hatene istória, ema barak la hatene loron nasionàl sira iha Timor-Leste,” nia dehan.

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here