Membru grupu feto rurál partisipa enkontru avaliasaun iha salaun Centro Comunidade Covalima (CCC). Imajen Tatoli/Celestina Teles.

COVALIMA, 10 dezembru 2021 (TATOLI)—Centru Comunidade Covalima (CCC) liuhosi ekipa Programa Feto Rurál halo avaliasaun ba implementasaun programa feto rurál ne’ebé durante ne’e grupu feto sira implementa iha sira-nia grupu.

“Ami husu atividade ne’ebè mak grupu sira hala’o saida mak sira seidauk hala’o no rezultadu saida mak hetan durante sira implementa sira-nia atividade, dezafiu saida mak sira hasoru, oinsá mak sira atu buka solusaun ba problema ne’ebé sira hasoru,” Koordenadora Programa Feto Ruràl, Hilaria Amaral do Carmo, hateten ba jornalista sira hafoin hala’o enkontru ho grupu feto no delgada sira, iha salaun CCC, sesta ne’e. 

Hosi avaliasaun programa ne’e, CCC mós kontinua fó oportunidade ba grupu sira atu implementa iha sira-nia grupu. 

“Atividade ne’e, ami mós atu fó oportunidade define planu ne’ebé mak sira atu implementa iha futuru iha tinan oin,” nia hateten. 

Aleinde halo avaliasaun ba atividade grupu sira-nian, CCC mós prepara feto sira no haree komunidade sira-ne’ebé enfrenta problema, nune’e CCC kontinua halo advokasia ba instituisaun relevante bele fó apoiu ba komunidade.  

Reprezentante Delgada Suku Beiseuk, Denciana Cardoso, aprezenta sira-nia atividade ne’ebè durante ne’e sira hala’o iha suku mak halo limpeza iha sede suku, akompaña pesoál saúde tama sai uma hodi fó vasina komunidade no fahe fini hanesan batar no hare.

Ho nune’e, rezultadu hosi atividade ne’e komunidade maioria vasina ona no rezultadu hosi fahe fini ne’e udan been di’ak no fini mós moris di.ak.

“Dezafiu ne’ebè mak ami hasoru ne’e mak komunidade balun mak lakohi rona mo lakpji kumpre,” nia dehan. 

Jornalista : Celestina Teles

Editór       : Cancio Ximenes 

PUBLISIDADEiklan

HAKEREK NO HATÁN

Please enter your comment!
Please enter your name here