Edifísiu UNPAZ iha Ai-mutin. Imajen/UNPAZ

DILI, 09 dezembru 2021 (TATOLI)–Universidade da Paz (UNPAZ), iha 27 dezembru sei realiza seremónia graduasaun ba estudante finalista hamutuk 1.098 hosi fakuldade neen.

Reitór UNPAZ, Adolmando Amaral, relata, iha estudante balun mak sei gradua tinan oin tanba lista la konsege submete ba Ministériu Ensinu Superiór Siénsia no Kultura (MESSK) atu halo verifikasaun.

“Tuir loloos ita-nia estudante na’in-1.200 mak sei simu graduasaun iha tinan ne’e, maibé na’in-102 hasoru problema finanseiru, ne’ebé muda ba fulan-marsu tinan oin,” Reitór Adolmandu Amaral, informa ba Agência TATOLI, iha kampus UNPAZ, kinta ne’e.

Notísia relevante: Universidade tolu submete lista graduasaun 2.101 ba MESSK

Nune’e, finalista ne’ebé sei gradua iha fulan ne’e nia laran hosi fakuldade Ekonomia, Siénsia Umana, Direitu, Saúde Públika, no Enjeñaria inklui programa estudu.

Tuir dadus, hahú tinan 2007 to’o 2020, UNPAZ konsege gradua ona estudante 13.671, la inklui estudante 1.098 ne’ebé atu gradua iha tinan ne’e no tinan oin.

Jornalista : Tomé Amado

Editora      : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here