Prezidente Konsellu Administrasaun APORTIL, I.P, Flávio Cardoso Neves. Imajen TATOLI/António Gonçalves

DILI, 09 dezembru 2021 (TATOLI)–Prezidente Konsellu Administrasaun Autoridade Portuáriu Timor-Leste, Institutu Públiku (APORTIL, I.P), Flávio Cardoso Neves, informa, ró-ahi Berlin-Ramelau to’o ona iha Dili.

“Ró ne’e ohin (kinta) to’o ona iha Dili, maibé para de’it lai iha tasi laran no sesta dadeer entre tuku 06:00 to’o 07:00 otl mak bele atraka iha Portu Dili,” Prezidente Konsellu Administrasaun APORTIL, I.P relata ba Agência TATOLI, via telefónika, kinta ne’e.

Notísia relevante: Laloran boot difikulta viajen ró-ahi Berlin-Ramelau hosi Xina-Dili

Nune’e, molok atraka iha Portu Dili, sei hala’o uluk seremónia kulturál no iha segunda (13/12) dadeer tuku 11:00 otl mak bele realiza seremónia entrega.

“Normalmente kuandu ró foun ida mai seremónia kulturál ne’e tenke iha,” nia akresenta.

Daudaun ne’e APORTIL prepara hela realiza seremónia termu entrega hosi empreza mai Governu.

Iha loron 31 maiu 2019, Governu Timor-Leste reprezenta hosi Ministru Transporte no Komunikasaun, José Agustinho da Silva, asina akordu ho Governu Federál Alemaña no Estaleiru Navál ‘Damen’ hodi halo konstrusaun ró Berlin-Ramelau.

Projetu ne’e Governu Alemaña kontribui millaun €7,8 no Timor-Leste millaun €7,1.

Jornalista : Antónia Gusmão

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here