Diretór STAE Viqueque, Humberto Fernandes. Imajen TATOLI/Vitorino Lopes da Costa

VIQUEQUE, 09 dezembru 2021 (TATOLI)–Diretór Sekretáriu Tékniku Administrasaun Eleitorál (STAE) Viqueque, Humberto Fernandes, informa, progresu resensiamentu eleitorál iha postu Lacluta, rejista eleitór foun no renova na’in-44.

“Prosesu resensiamentu sei kontinua la’o ba eleitór foun sira ne’ebé seidauk iha kartaun eleitorál, nune’e bele partisipa eleisaun prezidensial iha tinan oin. Ohin loron mákina imprime prodús kartaun eleitorál instala ona iha postu Lacluta, ne’ebé la presiza la’o to’o iha munisípiu Viqueque halo kartaun,” Diretór STAE hateten ba Agência TATOLI, iha postu Lacluta, kinta ne’e.

Notísia relevante: STAE Viqueque rejista ona eleitór foun 315

Nune’e, atu halo kartaun eleitorál, presiza lori sertidaun RDTL ba postu resensiamentu hodi trata kartaun.

Tuir dadus, eleitór foun hosi postu Lacluta kompostu hosi mane na’in-12 no feto na’in-17, enkuantu renova eleitorál ba mane na’in-11 no feto na’in-4.

Eleitór iha munisípiu Viqueque ne’ebé hetan aprovasaun iha STAE nasionál hamutuk 59.618, ne’ebé kompostu hosi postu Ossu hamutuk 14.937, Lacluta 5.313, Uatucarbau 5.636, Uatulari 14.893 no Viqueque villa 18.618.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here