Segundu Komadante PNTL Eskuadra postu Lacluta, Herminio da Costa Guterres. Imejan TATOLI/Vitorino Lopes da Costa

VIQUEQUE, 09 dezembru 2021 (TATOLI)–Segundu Komadante Polísia Nasionál Timor-Leste (PNTL) Eskuadra postu Lacluta, Herminio da Costa Guterres, husu komunidade sira atu promove nafatin pás no estabilidade hodi ema hotu bele livre hala’o atividade.

“Atividade la’o di’ak presiza seguransa no estabilidade, nune’e bainhira atu atinje objetivu ba futuru no nasaun, ninia dalan maka tenke kria seguransa no establidade ne’ebé importante ba nasaun no espesiál ba komunidade Lacluta,” Segundu Komandante PNTL Eskuadra postu Lacluta informa ba Agência TATOLI, iha postu Lacluta, kinta ne’e.

Nune’e, nia husu ba joven mane sira ne’ebé halibur malu iha grupu oin-oin atu kontribui hodi dezenvolve postu ne’e.

“Komunidade mai hamutuk ho PNTL hodi asegura estabilidade iha rai Lacluta no fó liman ba malu hodi dezenvolve rai ne’e iha futuru,” nia akresenta.

Enkuantu dadaun ne’e membru PNTL iha Eskuadra Lacluta hamutuk na’in-sia maka halo hela seguransa iha postu Lacluta.

“Maski agora daudaun membru Polísia na’in-sia de’it, maibé sé maka brani halo krime ho membru PNTL 900 ne’ebé destaka mai hodi hamutuk na’in-sia asegura seguransa. Polísia ninia liman ain maka komunidade sira, mai ita hamutuk harii establidade no koopera ho Polísia,” nia tenik.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here