Imajen/Mídia PR.

DILI, 09 dezembru 2021 (TATOLI)—Parlamentu Nasionál aprova proposta Orsamentu Jerál Estadu (OJE) 2022 ho montante inisiál $23,533,166 ba Ministéiru Negósiu Estranjeiru no Kooperasaun (MNEC, siglá portugés) iha espesialidade ho votu a-favór 42, kontra 0 no abstensaun 22.

“Nune’e, Orsamentu Jerál Estadu ba MNEK ho nia alterasaun sira ohin pasa,” Prezidente Parlamentu Nasionál, Deputadu Aniceto Longuinhos Guterres Lopes, anunsía liuhosi plenária, kinta ne’e.

PN aprova proposta lima ne’ebé aprezenta hosi José Sequeira ‘Somotxo’, Elbina Sousa Carvalho, Luis Roberto no Aderito Hugo da Costa.

Proposta númeru 46 títulu servisu MNEK, kategória despeza saláriu bensimentu ho programa kódiku 400 kona-ba polítika externa Timor-Leste, dotasaun inisiál millaun $13 alterasaun aumenta $249,821.00, nune’e dotasaun finál aumenta ba $13.249.821.

Justifikasaun sumária preveee verba kobre saláriu ba funsionáriu promovidu, subsídiu transporte ba rekrutamentu, subsídiu ba kargu xefia tuir organika MNEK ne’ebé vigór.

Proposta númeru 47 títulu MNEK, kategória despeza bens no servisu ho programa kódiku 510 kona-ba boa-governasaun, dotasaun inisiál $1.992.832 ho alterasaun rihun $350,000, nune’e dotasaun finál sa’e ba $2.342.832.

Justifikasaun verba sufisiénte atu kobre despeza manutesaun jerál edifísiu no embaida Timor-Leste iha Canberra, konsuladu jerál Bali no Kupang.

Proposta númeru 48, títulu servisu MNEK, kategória bens no servisu ho programa kódiku 510 kona-ba boa-governasaun no jestaun instituisional iha dotasaun inisiál $1,992.832 ho alterasaun aumenta $419,700.00, nune’e dotasaun finál $2412.532.

Justifikasaun kobre utilizasaun eletrisidade, internet no seluk tan iha Dili no reprezentasaun diplomátika 31 no ACTL.

Proposta 49 títulu MNEK, kategória despeza bens no sevisu ho programa boa-governasaun no jestaun instituisionál iha kategória inisiál $1,992.832 ho alterasaun aumenta $82,000, nune’e kategória finál sa’e ba $2,074.832.

Hosi orsamentu ne’e sei kobre ba despeza korente funsionamentu operasionál eskritóriu kona-ba akizisaun materiál eskritóriu relasiona ho aumentu atividade MNEK.

Proposta númeru 50 ho títulu servisu MNEK, kategória despeza bens no servisu ho programa boa-governasaun, dotasaun inisiál $1,992.832 ho alterasaun aumenta $50,000.00, nune’e sa’e ba $2,042.832.

Hosi proposta ne’e kobre despeza dezlokasaun pesoál protokulu hodi organiza eventu lokál, deslokasaun ekipa negosiasaun no manutensaun marka fronteira no seluk tan.

Ministra Negósiu Estranjeiru no Kooperasaun (MNEK), Adaljiza Albertina Xavier Reis Magno, hateten MNEK hetan redusaun uitoan orsamentu tinan oin, nune’e deputadu sira hosi komisaun B deteta atu akomoda servisu, nune’e laiha objesaun.

Iha OJE 2022, MNEK prevee $23,533,166 inklui $88,050 aloka ba Ajénsia Kooperasaun Timor-Leste (ACT-L, siglá portugés), hodi aloka saláriu vensimentu $15,328,179, bens servisu $8,204,987, kapitál menor, kapitál dezenvolvimentu no transferénsia públika laiha.

Orsamentu Jeral Esatdu ne’e, finansia ba programa rua (2), sub-programa neen (6) no atividade ualu (8).

Programa polítika externa Timor-Leste sei gasta 19,212,155 no programa boa-governasaun no jestaun instituisionál sei gasta $4,321,011.

Programa polítika externa Timor-Leste ho objetivu médiu prazu interrese nasionál Repúblika Demokrátika Timor-Leste (RDTL) define no promove iha exteriór, hanesan fortalesimentu relasaun diplomátika resíprosidade.

Ho ninia sub-programa defende no promove interrese Timor-Leste iha estranjeiru ho nia atividade mak reprezentasaun TL iha nivél bilaterál rejionál no multilateráll, promove no proteje no negosia asuntu ekonómika, sosiál no kultura ba interese nasionál iha exteriór.

Sub-programa kooperasaun internasionál ba dezenvolvimentu ho nia atividade asegura sistema administrativu no operasionál.

Sub-programa fasilitasaun no koordenasaun instituisional iha ezekusaun polítika externa ho nia atividade jestaun no enkuadramentu rejime karreira diplomátika no tekníku administrativu.

Sub-programa reforsa no fortalese jestaun no reprezentasaun asuntu karáter multilaterál no rejionál ho nia atividade konsertasaun polítika diplomátika, kooperasaun ba dezenvolvimentu no promosaun lingua portugés.

Portantu, programa boa-governasaun no jestaun instituisionál ho nia sub-programa rua no atividade tolu.

Jornalista : Nelson de Sousa

Editór       : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here