Sekretáriu Jerál sub-rejiaun Haksolok, Martinho da Cunha ‘Mala’. Imajen Tatoli/Abílio Elo Nini.

OÉ-CUSSE, 09 dezembru 2021 (TATOLI) – Ekipa verifikasaun hosi Konsellu Veteranu Rejiaun Administrativa Espesiál Oé-Cusse Ambeno (RAEOA), verifika ona benefisiáriu kombatente libertasaun nasionál ba faze daruak ne’ebé rejista iha 2009 hamutuk 3.457 no seidauk konfirmadu hamutuk 504.

Sekretáriu sub-rejiaun Haksolok RAEOA, Martinho da Cunha ‘Mala’, informa, lista benefisiáriu kombatente libertasaun nasionál ba faze daruak ne’ebé rejista iha 2009 iha RAEOA hamutuk 3.961, nune’e hirak-ne’ebé tama ona iha validasaun hamutuk 3.457 no seidauk konfirmadu 504 tanba hela dook.

“Dadus ne’e mai hosi sub-rejiaun haat iha suku 18, verifikadór sira verifika ona iha kada suku, hela de’it Oé-Cusse oan balu ne’ebé serbisu iha fatin dook, balun iha Dili no balun iha munisípiu seluk maka seidauk verifika,” Martinho da Cunha, informa ba Agência Tatoli iha salaun kombatente Oé-Cusse, kuarta ne’e.

Nia informa, daudaun ne’e ekipa avaliadór sira kontinua hein no fó tempu to’o marsu 2022 nune’e bele tuir prosesu verifikasaun, molok submete lista ne’e ba komisaun omenajen, tanba bainhira verifikasaun termina sei haruka ba nasionál.

Nia fó sai katak, ekipa verifikadór (avaliadór) ba dadus benefisiáriu kombatente libertasaun nasionál iha RAEOA hamutuk 54, ne’ebé antes ne’e iha 2019 simu ona juramentu hosi komisaun omenajen hodi verifika dadus ne’ebé rejista iha 2009, totál 3.961 ho loloos.

Hosi númeru ne’e, iha sub-rejiaun Pante Makassar hamutuk 1.904, komposta hosi suku Costa 367, Nipani 68, Lalisuk 404, Cunha 395, Naimeco 87, Bobokase 144, Lifau 72 no Taiboko 376.

Hosi sub-rejiaun Oésilo hamutuk 921 komposta hosi suku Usitasa’e 301, Usitaqueno 164, Bobometo 456, iha sub-rejiaun Pássabe hamutuk 401 hosi suku Abani 240, Malelat 161.

Hosi parte sub-rejiaun Nítibe hamutuk 657 komposta hosi suku Suni-Ufe 292, Lela-Ufe 83, Usitacu 203, no Bene-Ufe 79.

Entretantu tuir livru 3-C, Orsamentu Jerál Estadu (OJE) 2021 RAEOA-ZEESM, haktuir, benefisiáriu ne’ebé hetan apoia osan Estadu iha RAEOA ba kombatente ka veteranu libertasaun nasionál hamutuk ema na’in-363 no martir libertasaun nasionál na’in-223.

Jornalista         : Abílio Elo Nini
Editór               : Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here