Majór Jenerál, Falur Rate Laek, Imajen/Media F-FDTL.

VIQUEQUE, 07 dezembru 2021 (TATOLI)—Vise Xefe Estadu Maiór Jenerál Falintil-Forsa Defesa Timor-Leste (F-FDTL), Majór Jenerál Falur Rate Laek, hateten 7 dezembru 1975 Indonézia invade Timor-Leste lori kulturu mai Timor Leste hodi fahe povu Timor-Leste.

“Ohin, ita komemora loron 7 dezembru 1975 sai referensia povu tomak. Hosi loron ne’e hanesan memória Indonézia lori kultura mai Timor-Leste hodi fahe ita oioin de’it,” Majór Jenerál Falur Rate Laek hateten ba Agência Tatoli, iha ámbitu komemorasaun 7 dezembru 1975 ba dala-46, iha aldeia Buanurak, Viqueque, tersa ne’e.

Indonézia lori kultura fahe timor-oan sira mak hanesan arte marsiál, asuntu veteranu, disputa rai inklui lideransa sira, tanba loron kalan mak Timor-Leste ne’e iha problema hela de’it no sai ameasa boot.

Nune’e mós, Falur husu ba veteranu sira tenke obedese ba lei no apoiu ba prosesu dezenvolvimentu iha Timor-Leste, tanba veretanu sira mak harii Estadu no Nasaun tenke obedese ba lei no tenke kontribui ba Governu hodi halo dezenvolvimentu.

Nia dehan, Timor Leste hetan ona ninia independénsia povu tomak nafatin fó liman ba malu hodi kontribui ba prosesu prosesu dezenvolvimentu nasaun nian.

“Ami iha segurasan defeza ohin loron identifika problema instablidade iha nasaun, ida mak líderasan sira-ne’ebé laiha konsensu, arte marsiál no veteranu sira mós kria ponte instablidade. Tanba ne’e, ami agora kria fali forum ida hamutuk ho komandante rejiaun no adjuntu rejiaun sira halo estudu ida. Se ita veranu sira mak halo ameasa atu espanza kofre Estadu nian. Tan ne’e, ami halo estudu hodi lori nasaun ne’e la’o ba oin,” nia dehan.

Jornalista : Vitorino Lopes da Costa

Editór      : Cancio Ximenes

PUBLISIDADEiklan

HAKEREK NO HATÁN

Please enter your comment!
Please enter your name here