Timor Aid-Fundasaun ALOLA fasilita formasaun ba grupu feto soru tais iha RAEOA. Imajen Tatoli/Abílio Elo Nini.

OÉ-CUSSE, 06 dezembru 2021 (TATOLI) – Timor Aid hamutuk ho Fundasaun Alola, segunda ne’e fasilita formasaun ba grupu feto soru tais hamutuk grupu 40-resin, hodi hasae kualidade tais iha Rejiaun Administrativa Espesiál Oé-Cusse Ambeno (RAEOA).

Reprezentante Timor Aid, Ceo Lopes, hatete, formasaun ne’e rede soru na’in iha RAEOA, tanba grupu feto potensiál sira harii ona atividade ne’e iha kedas 2019, nune’e mai atu konsolida sira tanba tuir ajenda UNESCO sei deklara iha 16 dezembru tinan ne’e, hodi konsidera tais hanesan patrimoniu kulturál no materiál Timor-Leste. 

Timor Aid-Fundasaun ALOLA fasilita formasaun ba grupu feto soru tais iha RAEOA. Imajen Tatoli/Abílio Elo Nini.

“Materiál prinsipál ne’ebé realiza iha formasaun ne’e maka hakoor tais uza produtu naturál hanesan ai-kulit no ai-maran, soru tais ho diversifikasaun produtu ne’e ba foinsa’e sira ne’ebé lakontinua estudu, tanba tais hanesan temporariamente ekonomia feto Timor-Leste,” Reprezentante Timor Aid, Ceo Lopes, infroma ba Agência Tatoli iha salaun edukasaun Oé-Cusse, segunda ne’e

Nia fó sai katak, programa ne’e realiza ona iha munisipiu 11, falta munisipiu Kovalima no Bobonaru, hodi fasilita formasaun nune’e bele promove nafatin kualidade tais Timor iha mundu.

Vice Prezidente redi soru tais RAEOA, atuál koordenadór Asosiasaun Feto Mudansa Ekonomia Familia (AFMEF), Juana Bobo Tanu, informa formasaun ne’e foku liu ba kualidade tais, manajement orsamentu hakoor tais naturál, nune’e mantein ho koor ne’ebé mak treinadu ona ba inan feto soru na’in-sira.

“formasaun fazeadamente, loron haat ba grupu feto soru na’in no loron haat ba jerasaun foun ba futuru, labarik feto ne’ebé maka para eskola, entaun sira bele aprende oinsa bele halo tais nune’e iha futuru sir abele kontinua ama sira nia inan fatin iha rai ne’e,” nia dehan

Entretantu, partrispante iha formasaun ne’e maihosi grupu soru na’in-sira iha suku 18, envolve mós foinsa’e feto mane.

Jornalista: Abílio Elo Nini
Editór: Evaristo Soares Martins

PUBLISIDADEiklan

HAKEREK NO HATÁN

Please enter your comment!
Please enter your name here