Atleta Taekwondo hala’o ezame nasionál. Imajen Tatoli/Hortençio Sanchez.

DILI, 06 dezembru 2021 (TATOLI) – Prezidente Federasaun Taekwondo Timor -Leste (FTTL), Gabriel da Costa, informa, Governu liuhosi Sekretáriu Estadu Juventude no Desportu (SEJD) transfere ona orsamentu $19.000-resin ba konta bankária  hodi hala’o kampionatu nasionál.

“Orsamentu ne’e agora iha ona ami nia konta bankária,, ne’ebé iha loron 18 to’o 19 dezembru,  ami sei hala’o atividade kampionatu nasionál.  Kona-ba fatin sei ko’alia ho Governu atu halo iha jináziu Dili ne’e,” Prezidente FTTL ne’e, hateten ba Agência TATOLI, iha jináziu Dili, segunda ne’e.

Eventu ne’e sei partisipa atleta sira hosi munisípiu 12 inklui Rejiaun Administrativu Espesiál Oé-Cusse no Ambeno (RAEOA).

 Tanba, eventu  kampionatu nasionál ne’e sei observa  ka haree direita hosi master ida hosi Koreia, kona-ba atleta sira nia prestasaun di’ak hodi kompete iha nivél internasional.

“Ami agradese ba Governu tanba apoia ona orsamentu hodi bele realiza eventu ne’e, hodi fó biban ba foinsa’e sira bele espresa sira nia talent tanba hosi 2017 mai to’o agora seidauk halo kampionatu nasionál,” nia akresenta.

FTTL mós planu atu deside premiu ba manán-nain sira iha eventu kampionatu nasionál ne’ebé sei realiza iha fulan-ne’e.

Jornalista : Hortencio Sanchez

Editór       : Florencio Miranda Ximenes

PUBLISIDADEiklan

HAKEREK NO HATÁN

Please enter your comment!
Please enter your name here