Xefe suku Uaimori, Francelino António Gomes. Imajen TATOLI/Vitorino Lopes da Costa

VIQUEQUE, 06 dezembru 2021 (TATOLI)-Programa mão de obra iha suku Uaimori, postu administrativu Viqueque, munisípiu Viqueque, foin hahú implemeta.

“Ami-nia suku Uamori foin maka hahú implemeta iha loron-tolu, tanba ami submete lista traballadór tarde. Tanba ne’e, foin hahú halo serbisu loron-tolu,” Xefe suku Uaimori, Francelino António Gomes, informa ba Agência TATOLI, iha postu Viqueque villa, segunda ne’e.

Servisu mão de obra ne’ebé sei finaliza iha loron 15 dezembru, ba kada grupu iha ema na’in-20.

“Agora daudaun ami-nia traballadór sira halo limpeza ba estrada ninin no iha simitériu públiku,” nia akresenta.

Antes ne’e, Administradór postu Viqueque villa, António Gregório, informa, implementasaun programa mão de obra iha suku sia iha postu ne’e atinje ona 85%, hela de’it suku Uaimori mak foin hahú implemeta.

“Prosesu pagamentu ba suku sia la’o hotu ona. Bainhira suku Uaimori finaliza mak sei halo pagamentu ba traballadór,” nia tenik.

Jornalista : Vitorino Lopes da Costa

Editora     : Julia Chatarina

PUBLISIDADEiklan

HAKEREK NO HATÁN

Please enter your comment!
Please enter your name here